العذر والسموحه ..,

..


السلام عليكم ...,



[align=right]مدخل :-


[align=right]لو لا... ( المفارق ) ماعرفت المحبّه
ولو لا... ( المحبّه ) ماكرهت المفارق ![/align][/align]





[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالأماني عوضنا بالمقابيل=ليه أخليك .؟ ويد الله رؤوفه
في ( عيون الأمل ) شفت التساهيل=زلزل الياس ماحرّك كتوفه !
يسهر الصبر / وتنام الغرابيل=بين ( حبي له , وشوقي , وخوفه )
كيف ابنسى ؟ وقلبي له ( مداهيل )=والرجل / واجبه يكرم ضيوفه
كل ماهب ذعذاع الهوى يميل=توت... ماحان لي موعد قطوفه
وكل ماجف قاعي يا / هماليل=يسقي البال من خيرة قنوفه
لين ربع بقلبي والمحاصيل=ساهره عام , واردد وصوفه
غيبته ليل وطيوفه قناديل=وويش اسوّي.../ ليا غابت طيوفه ؟!
العذر والسموحه يامراسيل=ما ابي اقراه بمقابل حروفه
دام مابيني وبينه مواصيل=ويش ابي في عيونٍٍ ماتشوفه !
ودي اغمض عيوني كذا ., ليل=لين تسمح على الشوفه ظروفه
وودي ارتاح.. لكن ( مامعي حيل )!=الصبر مل من كثرة وقوفه
والهوى لو عرف قدر الرياجيل=كان ماسقت بالفرقا حسوفه
( دمعه , وياس , وابيات , ومواويل )=اربع اشياء / ماهي بمخلوفه
يوم فرقاه كثرت المناديل=خايف.../ الدمع لايجرح كفوفه !!
وفي وداعه طلبت الدمع لايسيل=وامتلت عيني ولا إحتلت اشوفه !![/poem]






[align=left]
مخرج :-

كان شح الغيم بـ ارضك يـا... كويت
هاك عيني / وازرعي من دمعهآ ![/align]

..