مشاركة اولى (الهيئة)

السلام عليكم ورحمة الله وبركاته




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـا ناصريـن الديـن فـي كـل الأقـطـار= يا حافظين الديـن يـا محتمينـه
يأهـل الوفـا والجـود والمـجـد والـكـار= يا هل النباهة والقلـوب الفطينـة
يـا صفـوة الأمــة بعيـديـن الأنـظـار= فيكم ثبات وقـو عـزم وسكينـة
يـا هـل الشجاعـة والعزيمـة والإصـرار= وقفاتكم تفّرح قلـوب(ن) حزينـة
الأمـر بالمعـروف مـن طـبـع الأخـيـار= والنهي عن كل الأمور المشينة
وانتـم هـل الحسبـة سليمـيـن الأفـكـار= والصدق والإخـلاص متوارثينـه
نهـج الرسـول المصطفـى سيـد الإبـرار= ونهج الصحابة والسلف ناهجينـه
انهو عـن المحظـور فـي سـر و اجهـار= ومن كان قصده خير ربه يعينـه
واليا حصـل تقصيـر مـن بعـض الأنفـار= الجاهل المخطي يحاسـب بعينـه
ترى الخطـا مـا هـو بعيبـن اليـا صـار= مير التمادي فيه عيـب وغبينـة
لا ترضـخـون لـكـل حـاسـد وغــدار= ملفقيـن الـكـذب ومروجيـنـه
عـاصـي وعلمـانـي وحـاقـد ومـكّـار= اصحوا لهم يا هل العقول الذهينـه
اخيولهـم تركـض علـى كــل مضـمـار= وصيـد الميـاه الراكـدة متقنينـه
كل(ن) على ما قيـل يضـرب علـى الطـار= وأقلامهـم مثـل السهـوم السنينـة
علـى الصحافـة ولعـوا فالخـطـب نــار= كل(ن)بمـا ينضـح يبيـح كنيـنـه
فالصفحـة الأولــى عنـاويـن وإســرار= ما بين قوسيـن الخبـر مثبتينـه
ولهـم وكالات(ن)علـى نـشـر الإخـبـار= مثل الجزيرة فالهـدف والضغينـة
أعلامـهـم مسـمـوع والجـهـد جـبـار= كنّـه بحّـر أموالهـم مشتريـنـه
تولـعـوا بالـغـرب عمـيـان الإبـصـار= أنفوسهم للغـرب صـارت رهينـة
يشـدهـم للـغـرب طـبـلـة ومـزمــار= ونشر الرذيلـة والـدروب المهينـة
قالـوا هـذا عصـر التـطـور والإبـهـار= عيشوا حيـاة الغـرب ياجاهليـنـه
يسعـون لأمـور (ن) عظيـمـات وإكـبـار= وأحقادهم وسـط الضمايـر دفينـة
يازمـرة الشيـطـان والـخـزي والـعـار= ثـوب المذلـة والـردى لابسيـنـه
انتـم جلبتـوا للـوطـن كــل الاضــرار= يامنكرين الديـن يـا جاحدينـه
أهدافكـم بـانـت عـلـى روس الاشـهـار= طلّعتوا اللي كان وسـط الخزينـه
كـل(ن) كشفـكـم يالخبيثـيـن الاشــرار= ما حاك وسط اصدوركم كاشفينـه
حنـا لكـم فالحـلـق عـقـدة ومسـمـار= والدين حنا له دروع(ن) حصينـه
متوارثـيـن اسـلـوم وافـيـن الاشـبـار= على خطاويهـم نسـوق الضعينـه
وصرحن بنـوه أهـل الوفـا كيـف ينهـار= السـاس ثابـت والروابـط متينـه
اللـه يبـارك فــي طويلـيـن الاعـمـار= اللـي بحنكتهـم تسيـر السفينـة [/poem]