عيديتين ..

[align=center]



تقبّل الله منا ومنكم صالح الأعمال




باهديك قبل العيد .. عيدية العيد
قصيدةٍ من شعر وإحساس زايد

يا شيخة الخفرات .. والبيض .. والغيد
فدوة عيونك قلت دوك القصايد

أنتي قصيدة شعر .. (حرة) .. بلا قيد
( موزونةٍ) تزهى عليها القلايد

مثل ( الشعر ) جيتي بليا ( مواعيد )
يتنفسك عطرك ترف فـــ الوسايد

إن قلت أحبك .. قلت أحبك تراديد
والحب .. ما فالحب عنصر محايد

أما تجين .. أجيب في قلبك العيد
والا يروح فـــ ليلة العيد زايد


.
.
.
.
.
.
.
.




ممتلي بالزعل ؟؟ تزعل ولا ترضى !!
ما عليّه عتاب .. ولا ملامه

ولا عليّه إلى من كثروا المرضى
غير كثر الدعاوي بالسلامة

كان لك حاجةٍ عندي تبى تقضى
مع كرامتك .. لو مالك كرامه

غل قلبك يولّع حدرك الرمضا
علّ قلبك من انواع الندامه

أنشغل عنك .. والا لك لو افضى
كان قامت عليك اكبر قيامه

ترتعد من عظامك كامل الاعضاء
دايم الحر مرعب للحمامة

كل ما اخطيت قلبي عن خطاك أغضى
يحسب انك تتوب عن الرخامة

وانت دايم كذا تزعل ولا ترضى
شرهتك كان لحقّتك ملامه[/align]