(( ابدلّـعك ))

السلام عليكم ورحمة الله وبركاته








بسيطه تقبلوها .....








[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالليل الهجاد اهجد وبا اهجدك لين اسريك = لو انك علي اثقل من طويق والا ابان
اسامرك واسهر لك ولاهو بحب ٍفيك = ماحنا.. اصدقاء.. ولا قرايب.. ولا احنا اخوان
ولكن ليازادت همومي علي اجيك = وانا الغارق اللي مد يده على الغرقان
يازين الغلا لا جا على السالي اوتماتيك = مهو من يدين فلان والا يدين فلان
هذاك انت اخيرا شايل الورد في كفيك = هذاك انت اخيرا جيت يالمخطي الشرهان
تجيبك لي الايام وظروفك توديك = ( ياراعي حظور جنان مدري غياب جنان )
جروحي على خبرك حبيبي وحط ايديك = وعاشقك وضعه مثل جرحه على ماكان
ترا ظلوعي العوجا ماهي عوج قبل اتيك = ولكن تمايل لك مثل ميلة الاغصان
على ويش تزعل لاتضايق ووش يبكيك = هثر للعيون السود مثل الشفاه لسان
حبيبي ترىماكل شي تبيه يجيك = تزين الظروف احيان وتشين فيك احيان
اذا انه انا اللي مزعلك جيتك اراضيك = واذا انته مزعلني تراني مني زعلان
ابدلّعك كيفي وحبك بعيني شيك = وبنكك حشا جوفي وصرافتك شريان
عليك الله اسرف واسحب اللي يبي يكفيك = عليك الله اسرف بالمحبه وانا بطران
تغيرت صرت انسان ثاني عشان ارضيك = نفضت المسنجر لا اجل عينك وهو مليان
تبسم وانا ماني بخبرك على مغليك = تبوز له بتوتك وتعقد له الحجان
مابين الغناء والفقر ميل بذيك وذيك = تمشى على هونك مثل مشية الكسلان
خدودك ورودٍ حمر لكن بطعم الكيك = اجيها وانا جوعان وامشي وانا جوعان
ولكن على اية حال انا ممكن اخليك = لياشفت حر يطير لكن بلا جنحان
تغيب وتجي ممكن .. كذا تغيب مايمديك = دروب الغياب دروب لكن بلا عنوان [/poem]


....