إيـــه إبدويـــــــه !!

[align=right]السلام عليكم ورحمة الله وبركاته

هذه إحدى قصائدي التي نشرت بمجلة المختلف أضعها بين ايديكم للتواصل [/align]


[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عشرين شارب ما شرب لي فناجيل =مـن دلـة ٍ صفـرا بهـا شاذليّـه

من دلة ٍ تبري ضـرم للرجاجيـل =سويتهـا لـلـي تــردّد علـيّـه

أحد ٍ يقول البن طاغي على الهيـل =و أحد ٍ يقول الهيل زايـد شويّـه

احد ٍ يـدور للغلـط بـاب تعليـل =يحـط منقـوده بـهـذي وذيّــه

احد ٍ يحلّل حكيها الزيـن تحليـل =غلطـان منهـو يحسبنـي رديّـه

غلطان ثم غلطان يالشيـخ بالحيـل =بينـي وبينـه يالوفـي مكرهـيّـه

انا ابدويه عزوتـي قربهـم ويـل =إيـه إبدويـه والفخـر لبـدويـه

أصبر على الشدّات لحظات وتزيل =وتزيل معهـا كـل محنـه قويـه

لاني من اللي ترتكب عار بالليـل =ولاني من اللي تقبلـه فـي هديـه

ولاني من اللي شانها القال والقيل =ولاني من اللي تعشق العنصريـه

ولكن يحق افخر وانا بنـت........ =في عزوتي فـي عزوتـي........

يا مشغلين أعماركم حـط ٍ وشيـل =حضرة جناب العـز قبّـل إيديّـه

ما مالت الحره ولا تعرف الميـل =كـل البشـر تـدري بأنـي نقيّـه

يالله عسى حظك مثل صاحب الفيل =اللي نـوى مكـه لفعـل الخطيّـه

وجزاه من ربـي بطيـر ٍ أبابيـل =أمسومـه مـن عنـد رب البريـه [/poem]