السيف

السلام عليكم ورحمة الله وبركاته

والله يمسيكم بالخير جميعا

وإليكم هذا النص

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ونيت ونة من عليه الزمن مال=شاف الغبينه وانصدم في محله
أصبح مثل ممسى من الغيض مكتال=يطوي سجله ثم يفتح سجله
يجتال في صدره من الغيض والوال=لو هو يشوف الدرب عقله يدله
ماعاد له حيله خسر روس الاموال=عقب الخدم والجاه شاف المذله
واصبح رفيقه مثل ماجاه بالحال=والا عدوه قال خله لعلّه
يالله دخيلك طاولت ضيقة البال=على الرجال أهل العقول المطله
نظراتهم دايم من الجال للجال=لوهم على طلعة ثمانين علّه
وقت الشقى وقت الندم وقت الأهوال=فيه الغنايم والفوايد امقله
دام الاقارب بينهم شر واجدال=قلوبهم على بعضهم مغله
هذا حصل فالوقت هذا ولا زال=الله يزيله عن هل الكون كلّه
آمين والدنيا لها قفاي واقبال=أحد يعقد الحبل واحد يحله
أبضرب الأمثال في وقت الأمثال=السيف لولا لازمه مانسله
رجال يحمى له ثمانين رجال=كلٍ على ماقيل ياقف بظله
الكذب لو طالت مبانيه تنهال=مار الحقيقه كل حلٍ بحله
كان الرجال أمست تقيم بالأشكال=ضاع الوفا والعرف دقه وجلّه[/poem]

وسلمتوا