على خير أشوفك كان حنا من الحيين ,, ( لـ من ..؟ )

السلام عليكم ورحمة الله وبركاته

جميعنا يعرف الشاعر عبدالله السياري والشاعر مبارك بن عيينان الهاجري وجميعهم شعراء في غنى عن التعريف


ولكن لفت إنتباهي تطابق وتشابه في قصيدتين

إليكم قصيدة عبدالله السياري




على خير أشوفك كان حنـا مـن الحييـن
مصير الليالي تجمـع الحـي مـع حيـه
سرى النوم مع مسراك وأحفت دموع العين
كفـوفٍ تكفـه كفـة الشـمـس للفـيـه
بمان الكريم ارحل وانا في انتظـارك ليـن
تـدور الليـالـي دورةٍ ترجـعـك لـيـه
لك الله ما عن ناظري غبـت لـو يوميـن
كوانـي فراقـك كـيـةٍ فوقـهـا كـيـه
ولا والله أرخصتك ولا شفت غيرك زيـن
أنا ادري بحبك لـي وانـا صـادق النيـه
أبا صلك لو تبعد وانـا حافـي الرجليـن
صريع الغواني لـو جحـد فيـه ماريـه
تموت القلوب الخالية بيـن زيـن وشيـن
وتعيش القلوب اللـي علـى الـود مبنيـه
ترى البعد بعد القلب ما هوب بعـد البين
الى صار من ودعـك يـا عـدك بالجيـه




وإليكم قصيدة مبارك بن عيينان



على خير أشوفك كان حنّا من الحييّـن
مصير الليالي تجمع الحي مـع حيّـه
بقدرة ولي الكون رب البشـر والديـن
ألاهٍ سجدنا تحـت عرشـه وكرسيّـه
يقلّل سنين العمـر ولاّ يزيـد سنيـن
في ايديه الأمر ماهوب في ايديك وايديّه
وترى البعد بعد القلب ماهوب بعد العين
وأنا ابعدت عنّك وانت في قلبي وفيّـه
وأبوعدك وعد الحر والحر وعده ديـن
وبودّعك ذلحين وأوعدك فـي الجيّـه
لو أن البطا والبعد والمنتـزح والبيـن
تقطّع حبـال الوصـل وتغيّـر النيّـه
علي نذر ولاّ أقول تدري علي نذريـن
ماينساك قلبٍ وانـت ذكـره وطاريّـه
معي صبح ولاّ ليل ولاّ منيـن وويـن
تنقّل مابين عـروق قلبـي وعراويّـه
من الثلث ألأول لين يبدابـي الثلثيـن
وأنا أجلس مع طاريك ياحيّـك وحيّـه
أغني عليه يسار وأهرج عليه يميـن
وألأشواق ماموره وألأحـزان منهيّـه
وأغمض عليك من الغلا عيوني الثنتين
وأرقّدك في ذيّه وأسهـر معـك ذيّـه
ولحّفك خمس ضلوع ووسادتك ضلعين
وأضمك شويّه وارتخي منّـك شويّـه
وتنثر شعرك ومعنزه ركبه وكوعيـن
وأشوفك وأقول الله يعيـن الهواويّـه
وأذكرك قبل تنام تدعي وأقـول آميـن
تطيب الجروح اللي من الحب مكويّـه
وأذا الله أشاء وعاد حنّا مـن الحييّـن
علي بالحرام أنّي لعايدك فـي ضحيّـه


ولا أعلم من سبق من ؟ وهل هذا توارد أفكار أم ماذا ؟

والغريب فالموضوع إن الشاعرين من رموز الشعر ولا أحد منهم بحاجه لـ الآخر .. أترك المجال لكم