الغصن الرطيب !!!

السلام عليكم


قصيدة عسى تنال بعض الرضا



صلو على النبي

,,



,,



[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كيف خانك مجهم الوقت ,, يالغصن الرطيب=وأنت زينك ,, نوّر العين من عقب الظلام


والقمر لا نوّر الكون ,, من عقب المغيب=عقب نور الشمس ,, ينهي عقود الأستلام


مير نورك ساطعٍ في جبينك مايغيب=وتسلب قلوب الكثيرين ,, لاشلت اللثام


وتستغل حرية البكر ,, من فكر الأديب=لين ماتشهر بنات الفكر حد الغمام


ولو يصيب الشاعر الفذ ولا مايصيب=الوكاد أنك من الزين ,, زينك مايضام


منك أنا مانيب في خير والدنيا نصيب=( والبعاد أقسى من الشوق بسلوم الغرام )


أستمع في خطبة الدين من فم الخطيب=والتزم والزم مكاني ,, وأنا خلف الأمام


وأدعي الله يجيرني من جهنم واللهيب=( وأنه يجيرك من النار ياظبي العدام )


وتل قلبي تلة الدلو من جوف الجليب=يوم تله راعي النشط وأقفى به وشام


يوم أشوف عيونك السود / والرمش الغريب=أشهد أنك سيّد البيض مافيها كلام


يادفى روحي عن البرد ,, حبك مايعيب=لد لي ياجعل يفداك نمام الكلام


أعرف أني عند ضنك ,, وضنك مايخيب=صاحبك ياصاحب الذوق متحزم حزام


لاوقع بالموقف الصعب والطيّب صعيب=يعتلي من طيب يمناه ذروات السنام


لكن الحظ الردي دايم لقلبي نديب=لاصفالي ,, عوّد الضيق فيني وستقام


ومن يلاحظني ليا شاف وجهي من قريب=( قال لي وشفيك ,,, وأقول أنا طيّب تمام )


والله أني لا تمامٍ ولا فاد الطبيب=والفكر منهار والعين عيّت لاتنام


ياحبيبي صحصح الحب في حب الصحيب=يابعد راسي ترى الضرب بالميّت حرام


منك أنا مانيب في خير والدنيا نصيب=والبعاد أقسى من الشوق بسلوم الغرام ![/poem]