[ حديث (( شارع )) المليون ] .. !

حبيبنا ( عفاس بن حرباش )

[poem= font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش عاد تنشد له عن الحال لا اقفيت=وجسر الوصـال اللـي بنيته هدمته
حالٍ وقف يرقـب مجيّـك ولا جيت=وانسـاب تعبيـره على قبـر صمته
ومشاعره ماتت معـك .. والتوابيـت=ضلوع صـدر ٍ بالمفـارق .. وسمته
وابطى على الموعد يجـر التناهيـت=وانـا مـن احـزانـه وهمه رحمته
اخـذت له مـا ياخـذ الـحي للميت=باقـة وداع ولمت حـظـي / ولمته
ياللي علـى صـدّه وهجـره تجريت=مـرك شعـوره صـادق مااحترمته
وضعه كئيب ، ونبرته تكسـر البيت=يامـا علـى قـطع الوصال اتهمته
عـاش الامانـي مثل مأنـته تمنيت=وحـدد مسـار العمر .. حلمً رسمته
برمـج علـى وقتك جميـع التواقيت=وسلمـك مفتـاح الضميـر وحكتـه
دخلـت في روضة حياتـه ولا احييت=عمرً ذبـل ، وبكف هجرك صرمتـه
يومـك علـى نهـر الحياه استقريت=ماسقيـت عطشـانً لعذبك عزمتـه
عطـاك عمـره والثمن يمكن وليت=يمـكـن ولـيت الي يقـوله فهمته
حالي كذا ، يحيا شعوره وهـو ميت=ليتك من احسـاس الغلا ما حرمتـه
هالحين مادامك عن الوصـل عييت=رجع علي قلبـي .. مثل ما استلمته[/poem]




الله يوفقّه وين مالقّى .. قصيدة مليانه شعر وشعور وإحساس ومشاركة فوق المستوى