(.( على غفله ).)

سلام عليكم


اوقاتكم كلها خير



قصيده للتواصل

واسمحوا لي قصورها لاهنتم




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتجفل ان كان ضميتك على غفله=وحنا بفصل الشتاء والناس بردانه

بحط صدري على صدرك يسولف له = من عقب فرقاك وش سوت به احزانه

ووشلون ممكن تلاعب بالرجل طفله = وتزيغ عقله وكيف تعقّل جنانه

الحزن عقبك مسوي بالصدر حفله = ودايم غياب الملاك يسرّ شيطانه

الهم ينزف شعر والضيق يعزف له = قد شفت صدر يتراقص حزن شريانه؟؟

يامرحبا باللذي مدري وش اوصف له = فرحة لقاه او كدر بعده وحرمانه

احن له واتودد واتلطّف له = واهديه فله ويشمومه وريحانه

وادوّر ازكى ورود الشعر واقطف له = ياخذ بلا حد والبستان بستانه


مااتعب ليا جيت اباكتب واتكلف له = معه تماتيك شعري يعزف الحانه

من بحر شعري مغير اصب واغرف له = واعطيه دره وياقوته ومرجانه

الجزء الايسر بصدري له وله قفله = وهوّ وضميره بزوّاره وسكّانه


ان صانه االله يهنيه يتعفف له = وان خان بصره ولاهي باول خيانه


لكن ليا جيت ابا اضمه على غفله = لايجفل ..القلب شايف جور حرمانه
[/poem]