!! ... سيول الفراق ... !!

للتواصل

مع النخبه

.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]



بكا علينا الأمل وأبكى عيون الحسود=والعاذل اللي حكا بالأمس صوته خَفَت

واللي يناديك عجّل بالجفا والصدود=النوم مامرّ لعيونه ليال وغفت

مصير الأيام تثبت لك خطاك وتعود=تبي تعالج جروحٍ من يديك انزفت

بعد ما ماتت من سيول الفراق الورود=وأقدام الآمال في رجوى ( تَراجَع) حفت

بنا مابيني وبينك كبريائك سدود=وخطوات رجلي لوصلك من جفاك وقفت

ماكان في دولتين العشق نقطة حدود=ماذابت شموع عشرتنا بيوم وطفت

ان زادوا الحاسدين الحسد كنّا نزود=حب وغلا والقلوب العاشقه مااكتفت

النجم والغيم والقمرا علينا شهود=ولو ان شمس الصباح تقول كان اهتفت

باسمي وباسمك يااغلى واحد ٍ في الوجود=أموت وأحيا لمن مريتني ملتفت

أشوف في عيونك النجلا عيون العنود=والبارد من المشاعر في خفوقي دفت

واللي يدلّل على ان نظرتْك طب الكبود=كل القلوب المريضه في التفاته شفت

واليوم ماني على وصل المقفّي امْحَدود=ماني معكّر لياليّي عقب ماصفت

بحيا وسط غابة الدنيا حياة الأسود=ماهمنّي ذي تنكّرلي وهذي وفت

وأعلّق القلب مابين السّما والنفود=صعبٍ على قلوب خلق الله ولو رفرفت


وأنت الله يمد لك عمرك عقود وعقود=ولا تذرف عيونك دموعك كثر مااذرفت

أنا ماعاد الْك في داخل وجودي وجود=حتى صُوَرْك اللي كانت في خفوقي اختفت[/poem]
.

سوالم