غيبوبة البعد !

[align=center]السلام عليكم ورحمة الله

صبحكم الله بالخير

وددت ان انوّه بأمر قبل ان أضع القصيده بين يديكم ألا وهو ان البيت الأول من القصيده كان بيت يتيم كتبته بالكلمه الأخيره من عدة أشهر وتفاجأت انه نشر بأكثر من موقع باسم فهيد السبيعي وأحببت ان أوثقه هنا ؛

تقبلوها ...[/align]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عقبي حياتك كلّها سهود ومهـود = وعقبك حياتـي طيّـب الله ثراهـا
أغيب مع غيبوبة البعـد وآعـود = تطري علي ذكراك وأسمع صداها
يا ويل قلبي كـل ماهبّـت النـود = زاد الونين وهلّـت العيـن ماهـا
تخالطت ايامي البيـض والسـود = ماعدت أميّز مرّها مـن حلاهـا
باب الفرح من غيبتك صار مسدود = أقفيـت والأيـام طـوّل عنـاهـا
جتني هموم القلب من بعدك حشود = وحالي زمان الهم بعـدك طواهـا
يا كيف تطربني المكاشيت يا سعود = وروحي من فراقه تعـذّر دواهـا
ياليتنـي كفّنـت ويـاه بلـحـود = أرحم لروحٍ مـا جبرهـا عزاهـا
يالله ماغـيـرك الاهٍ ومعـبـود = أستغفرك عد الرمـال وحصاهـا
وأطلبك عونك جود يا راعي الجود = خفف عن النفس الشقيـه بلاهـا
ويارب صبّرني لو الصبر مفقـود = ويارب عينـي لا تخيّـب رجاهـا
[/poem]