ياعسى بالنوم خير .. للتواصل

[align=center]الحقيقه غيـر يـا قلبـي وانـا
خاف لا اصحيك والواقـع مريـر
نام نام ارجوك في صـدري هنـا
بين ضلعاني ترى قـدرك كبيـر
وآه ياقلبي وش احساسـك جنـا
غير حزن انسان في صدري كسير
يشرب الضيقـه وإذا ليلـه دنـا
مجّها في داخلي وامسـى سهيـر
طيبتك ياقلـب هـي سـر الغنـا
لاتظن باسبابهـا تصبـح فقيـر
اتبـاع النـاس بالباطـل عـنـا
وانخداعك بالبشـر مافيـه خيـر
البشـر أنـواع والدّنيـا فـنـا
والشهيق يعاكسه صوت الزفيـر
كـم تهـدّم بـرج بالعالـي بنـا
وكم بنا له مجد بالـزور الحقيـر
وكم تبعنا طبـع خالـف طبعنـا
والتزمنا الصمت والموقف خطير
كل شي صرنـا نشوفـه ضدنـا
وافتقدنا الصدق والسيف الشطير
ياخسارة مامضـى مـن مجدنـا
تكثر الطعنـات لا طـاح البعيـر
وش يفيدك كـان أو قولـة لنـا
في القديم انسان تاريخـه مثيـر
انتهى ماعـاد لـه رجعـه هنـا
يادماغ اعمـى وتفكيـره ضريـر
بي عطـش للمـا يبلـل ريقنـا
وافتقدت النبع واسمع له خريـر
في زمن ماعـاد نعـرف رشدنـا
الأسد غايب و تسمع لـه زئيـر
وآه من قلبـي ويـا همـي أنـا
للحزن مابيـن ضلعانـي هديـر
كـم وكـم يامـا ويامـا ودّنـا
نفتـح الأفـواه ونقـول الكثيـر
نام..نام ارجوك يـا قلبـي هنـا
وسط صدري ياعسى بالنوم خير





آآآآآآآآآه
الله عليـــــــــك
والله في الصميم



صح لساااااااانك
وسلم بناااااااااااانك
وصح فكرك
وصح قلبك ...






دمت بخير
وفي حفظ الرحمن ....







*********[/align]