( ياقاطف الورد ) !

السلام عليكم ورحمة الله وبركاته , .


مواهبيّه متواضعه جداً للتواصل , والعذر مقدماً


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقاطف الورد مالت في يديك الورود=مدري تمايل طرب ولا تمايل قهر
غطّى على ورودك الحمرا حَمَار الخدود=وحسنك على ورودك اللي في يدينك ظهر
مايشبهك لا تبدّى لي جبينك ياكود=شمسٍ مطلّه على جنة نعيم ونهر
الد فيك النظر وارد شوفي واعود=وفي كل مرّه تزين بعيني وتزدهر
لبّى محيّاك ياللي كل ماهبّ نود=يميل عودك واذوب بميلته وانصهر
ياللي زرعت الصخب في داخلي والركود=كم لي وانا انهر خفوقي عنْك ماينتهر
تعال واللي مضى من عمرنا مايعود=كم فات من يوم فـ / غيابك / وعام / وشهر
تعال جدد مواثيق الهوى والعهود=ونستدرك اللي مضى ونشبّ شمع السهر
تعال واوعدك وعدٍ مايبيله شهود=حرٍ ووعدي عليّه دين سر وجهر
اسكّنك خافقٍ عطفه بليا حدود=واحصّنِك قد مااقدر عن صدوف الدهر
وش فايدة عمرنا لا راح هجْر وصدود=لولا العطا من يد الساقي يموت الزهر[/poem]