بدايات المبدعين.....

الف شكر يامخايل على الموضوع الرائع

وانا جبت لكم مصافحة لشاعر غيابه ملحوظ من فترة




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعشمت بزماني بس ماحقـق لـي الاهـواء=يواعدني بخيـر ولاوعدنـي جتنـي مطمـه
تشبعنا مـن التمثيـل والفرشـات والاطـراء=بناس ٍ من رداهم مدحهـم مثلـه مثـل ذمـه
لكن لاصار لك حاجه ولاتمشي بدون ريـاء=بدون تشوف تمدح صاحب الحاجه بلاذمـه
كذا قالت لنا الدنيـا اذا انـا نطلـب العليـاء=نبيع اذمامنا ونمجـد اهـل المـال والخمـه
ماعد باقي على وجيـه الاوادم دم والا مـاء=مدامه لااحتفظ في ماء وجهه ماانجـلا همـه
متى ننظر الى الجوهر ولاننظر الى الاسماء؟=ونكف المدح عن فعل السفيه الواصل الرمـه
حياة ٍ ربي اعلم وش تواليهـا بـلا استحيـاء=عسى ربي يخارجنـا ويجلـي ثايـر الغمـه
ولكن ماعلينا المحور اللـي جابنـي مستـاء=ووردني على حوض القصيد اللي طفح جمـه
حبيب ٍ يلعب بصادق احاسيسي علـى ماشـاء=كأنـه بالريمـوت يشتـت الخفـاق ويلمـه
عرفته قبل لااتهجـا وافـرق بيـن اء وبـاء=وقبل لاادري وش الضمه وياويلي على الضمه
ياست الحسن يااحلى الغيد ياعذراء ياحسنـاء=سحرتيني بحسنـك ياغـلاي بكيفـه وكمـه
ياقلبي ماكتبت الشعر ابي شهـره ولااضـواء=وانا اللي وارث الطالات من خاله ومن عمـه
بـدون قصـور بالشعـار والنقـاد والقـراء=وش بيجنون ربعك من قصيدك حـزة الهمـه
لياثار الغبار وقامت عيونك تشـوف اشـلاء=اذا ماكان لك عزه بيدك الشعـر ويـل امـه
مع ان الشعر هاليومين صار مخابط وغوغاء=وبعضهم مايثمن وش يقول اليـا نطـق فمـه
اذا ماقلت لك شعر ٍ يشـد النـاس للاصغـاء=اجل وشوله تواصل بـدرب الشعـر وتتمـه
تحللـت بغرامـك والتحلـل علـم بالاحيـاء=وانا ماني بحي وحبك اسرى بالجسـد سمـه
تعبت ولابقى الا يذكـرون بموجـز الانبـاء=حبيب ٍ من حبيبه مااستـراح وناشـف ٍ دمـه
ماعاد الا الدموع اللي تفضفض خافي الاحشاء=ولاظني حبيبك يعجبـك دمعـه علـى كمـه
صحيح رجال لكن لابـدا بالسالفـه عـذراء=نثور اوجاع لاصـارت بنـا ماهـي بمهتمـه[/poem]



للرائع سلطان بن بتلاء