(( زينك الاعلام ))

غضيت طرفي وقارٍ لي وخـوف عليـه
من باب مش البشـر لاتعـد غلطاتهـا
تشابه النـاس بالاجسـام والا الوجيـه
ميـر تخـالـف طبايعـهـا ونياتـهـا
ياكم ( نركز) خفيف وكم (نرزز ) سفيه
وهذا جزانا مانلقـى غيـر شرهاتهـا !
ناسٍ بسم الكـلام تركـب اللـي تبيـه
وتركع وتسجد مع النـاس بصلاواتهـا
والرجل من منطق لسانه ومـدت يديـه
والبنت ظلـعٍ عـوج تعـدل بمرباتهـا
ومادام ماكـل راي يصيـر رايٍ وجيـه
بعض المخاليـق ماهـي فـي محلاتهـا
زينك الاعلام لـو انـك وجيـهٍ كريـه
وازعجتنـا فـي قصايـدك بقناواتـهـا
هـذا مديـرٍ تعزمـه ذا مديـرٍ تجيـه
وبعـض المواضيـع مانفتـح ملفاتهـا
مبدا الصداقه بها الاعلام ماهـو نزيـه
يا امـا علـى اموالهـا والا علاقاتهـا
تسمع بشعر النجوم ولاتعـرف تحكيـه
وقمـت اتخبّـط قصايدهـا وشيلاتـهـا
من زين هالصوت لاعد تزعج الناس فيه
الشعر ادب والبشـر تفـارق اصواتهـا
تكبر ولكن بعيني مثـل حجـم الجنيـه
لـو كبرتـك الصحافـه فـي فلاشاتهـا
يالشاعر اللي نصفق له ونضحك عليـه
ترا القصيـده علـى تركيبـة ابياتهـا




....


يامرحباااا
ياسطااااام
وهلا ومسهلااا



وصح لساااانكـ
حتى ترضى

ولله درّكـ



وفعلاً
على قولة اخوي المسرّي
تشخيص دقيق
ووافي
لأحد امراض الساحه
الشعبيّه




وجودكـ
مؤثر
يابو بندّر
وشعركـ
له محبين
ومتابعين
فلا عاااد
تكررّ
الغياب ..

دمت بخير
وفي رعاية الله





***********************