وقفه مع مرقابي (3) !

سلام يامعّلم


وش حالك يابو يحيى عسااك طيب وبخير
وش لونكم ياهل الحويه
والله يعينكم علاها

متابع لردود ومواضيعك لم اجد شي جديد من تاريخ 21/02/2009

وانا اطالبك واطالب القريحه بشيً جديد

ولولا معزتك وجنوني اللامحدوود في قصيدك
ماطلبناك بما خلف الكواليس



شف رد المسّري ادناه اقسم بالله انه يشّيب عقل الرضيع


جمع قصايد المرقابين في قصيده


واستمري ياقريحه استمري

يا (شاعري) والدروب طْوال
و(أهـم الاخبـار) منقـولـه
يا (مرحبا بك) و(كيف الحال)
(المشكلـه) معـك محلولـه
قرّبت لأجلك (فرس الآمـال)
(المارج) اللي اعرف آصوله
(ملفى الهجوس) اول الاقوال
و(الى اللقاء) فآخر الجولـه
من (العيد للعيد) حالي حـال
لو (بعض الامـور) ياهولـه
(وقفة تأمل) علـى الاطـلال
و( رسالـة ) الـود مقبولـه
تبقى (دروس وعبر) لأجيـال
لا ( طرّق الوقت ) بحمولـه
(بعد العشا..ويـن) يارجـال
( شوق العنا ) يسحب ذيولـه
(صبرا جميل) على الجمّـال
(طرد الهوى) متعب رْجولـه
و(الاحلام) ماهيب راس المال
و(اهل الهوى) غير مسوؤلـه
(إقلاع ووصول) , والميصال
نبغـى (استعـاره) لمدلولـه
و(مشاعري) بالغـلا تختـال
و(عزاي) ماهيـب مجهولـه
للكفو (منّـا ومنّـا) إجـلال
و(العيـد) فمشاهـدة زولـه
يستاهل (الكيـف) فالفنجـال
من (مروي الذائقـه) دولـه
وأنا لو انّي (خلـف هـذال)
و(اسمي) وفعلي على فعولـه
لا زال في (خاطري) لا زال
كـلام عجـزت لا اقـولـه





Al-Otaibi, Faihan, H
Khurais Operation Division


كل اللي تشوف فوق نص رساله جاتني اليوم من المدعو فيحان بن هلاّل العتيبي .... أوردتها هنا لأني لقيتها خير مثال بيوّصل اللي في خاطري كله من إلى ....مع تحفظي الشديد على مقدمة كلام أبو هلاّل لأني بديت أشك في ذائقته مادام إنه يتابعني !