( أ ) طلالـ .. ( ي ) .. !!

المشاركة الأصلية كتبت بواسطة محمد السبيعي

أرسلت البيت الأول لأخوي / طلال الجميلي .. وكمّله بـ بيت .. وكمّلت .. وهكذا حتى أتت هذه المتواضعة .. اتمنى أن تنال بعض الرضا ..



حفظاً لـ الحقوق الأدبية .. ابيات طلال باللون الأزرق .. وأبياتي باللون الأسود ..









[align=center]حلوة بلا موعد لقاءات الاحباب [/align][align=center]

تجي كذا من غير ما ننتظرها



ما كنّ جا قبل اللقا لحظة غياب

نشوة عسى الله ما يقصّر عمرها



فيها نشرّع لـ ( الأحاسيس ) .. الأبواب

حتى تسامرنا النجوم .. وقمرها



يمكن يذوب الحرف .. والحب ما ذاب

واشواقنا غنّت .. ودندن وترها



وعيوننا تمطر محبّه .. وترحاب

يبلل كفوف التلاقي .. مطرها



والارض ما باقي على وجهها تراب

غطّى على كل الفيافي زهرها



كنها عروس يزيّن كفوفها خضاب

حتى ظهرت بأجمل وأبهى صورها



هذا بـ ( حضورك ) وأنت يا ساحر ألباب

إرفق .. عيون الناس كاثر سهرها


خل المسا بـ ( الهمس ) يسري وينساب

يا مبتدأ حلو الليال .. وخبرها



وخل الجفا يمشي ويزعل ويرتاب

ويروح يمّ اهل الجفا .. في ديرها



وأنا معك .. لبّس مشاريهك ثياب

وإطعن ظنونك بـ ( الثقة ) في نحرها



لا صرت أحبّك .. والهوى بيننا طاب

إفهم معاني رغبتي .. واختصرها



قول : الهوى غلاب .. وأقول : غلاب

لين الهوى يرهى .. ويرهى .. ويرهى[/align]

نقلتها كما هي من هنا : ( لقاءات الاحباب ) .. !


وكم انا فخور وسعيد جداً ..
بـ مجاراتي لـ العذب : [mark=#69a6c7]محمد السبيعي ..[/mark]