مدح في من يستحق المدح

المشاركة الأصلية كتبت بواسطة خولان بن عامر

السلام عليكم ورحمة الله وبركاته

والشهر مبارك عليكم جميعاً

قليل من المدح في مدح الله سبحانه وتعالى سائلين منه الأجر والمثوبة . .

كما نرجو منكم المعذرة على الانقطاع الطويل في الفترة الماضية..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
باسم الكريم اللي كساني ثوب ستره واكتسيت = سبحانه المعبود يا الوالي ولا غيره ولي
اللي عطاني العافيه واللي عطاني مابغيت =واللي منحْني من فضايله الكثيرة ما يلي:
الشكر لك والحمد لك وانا بما تقسُم رضيت =يا اللي تفرّج كربتي والهم لضاقت علي
خلقتني من نطفةٍ حتى تمكّنت ونشيت =واوجدتني في أحسن التقويم شكل وهيكلي
تسعة شهورٍ عشتها في ظلمة البطن ولفيت =اقبلتْ في الدنيا.. يديني من مطامعها خلي
ونمّيتني وقت الطفولة لين باقدامي مشيت =واعطيتني قوة شبابٍ( لا فني ولا بلي)
حفظتني واطعمتني واسقيتني حتى رويت =واعطيتني الخمس الحواس المعجزات الذهّلي
كوّنتني واهدتيني درب الهُدى حتى اهتديت =وقسمت لي رزقٍ على طول الحياة يجّملي
علمتني بالعلم حتى إني تعلّمت وقريت =شرحت صدري للشريعه والكتاب المنزلي
يسّرت لي دين النبي الهاشي له وانتميت =افضل نبي واشرف نبي وآخر نبيٍ مرسلي
وهبت لي مال وبنون ومجد من فضلك وصيت =وامّــنتني في عيشتي وامّنت لي مستقبلي
سهّلت لي عسر الأمور ومن فضايلك اغتنيت =لطفت بي واسعدتني فرّجت لي .يسّرت لي
تعفو وتصفح عن ذنوبي كل ما اخطيت و هفيت =يا كثر هفواتي وذنبي بين علمي واجهلي
أهفو وأغفل عنك واذنب وانت عني ما غفيت =تُعطي الذي يٌخطي وتعفو عنه وايضا تمهلي
تعلم بما يجري ولاغيرك ترّجيت ودعيت =ما لك شريكٍ ياعظيمٍ تُمهل ولاتهملي
تسمع دبيب النملة السوداء وتعلم ما نويت =محصي الشجر محصي البشر محصي النجوم الزحّلي
ياعالم ما في البحوروكل حي وكل ميت =عالم لغات الطير يا مُحيي العظام الهُمّلي
انت الرحيم انت اللطيف انت الخبير انت المُقيت=انت العزيز انت الغفور اللي تجير المبتلي
انت المُعزّ انت المٌذلّ انت العفو اللي عفيت =انت الشكور انت الحسيب انت الرقيب الأوّلي
انت السميع انت البصير انت الرؤوف اللي عطيت=انت الوكيل انت القويّ رحمن وامرك يحصلي
انت الودود انت الجليل انت الكبير اللي قضيت =المقتدر والمنتقم والرازق لغيري .ولي
انت البديع الخالق الباري تسمّيت وسميت =القادر الوهّاب والمعتال فوق المعتلي
انت المهيمن والغني والبرّ والعدل اعتليت =يا الباسط القابض يا وارث يا مجيب يُسألي
رب السموات العُلى بديت باسمك وانتهيت =يالله عفوك يوم اروح القبر وافارق هلي
ما لي سوى رحمتك يا ربي وفي وجهك لجيت=رحمتك يا ربي ولا جهدي ولا طيب اعملي
يا رب يا تواب سامحني على ما قد جنيت=ذنبي إليكَ صاعد ُوخيرك إليًِِ نازلي
والله لو تظمت لي مليار في مليار بيت=في نعمةٍ وحده وفي خيرك وفي فضلك علي
إن ما اعتبر نفسي شكرت ولا مدحت ولا ثنيت=وانا الضعيف اللي بدونك لا مقام ولا صلي
هذا وباسمك خاتمتها مثل ما باسمك بديت=سبحانك المعبود يا الوالي ولا غيرك ولي

[/poem]

سبحان الله وبحمده سبحان الله العظيم






فووووووووووووووووووووووووووووووووووق


مضمون وبدع معلم


لله درك وكفى ياخولان