هـــدوء.!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا ويش أريد من السهر والسهر لـولاك=ماأظنّه علـى كـره المخـدّه يطوّعنـي
رهنت العمر كلّه على شآن كسْب رضاك=ولاشفت منْك اللي عـن البعـد يقنعنـي
تماديت في بعْدك وجوْرك وقصْر إخطاك=وأنا عن جزاك سلوم الأجـواد تمنعنـي
لكن دوك تكفى شدّ يمنـاي فـي يمنـاك=على آخر دقايق ليلـةٍ معـك تجمعنـي
دخيلك دخيل أهلك دخيلك دخيل حمـاك=لاتبكي ليا قلـت لـك سلّـم وودّعنـي
ترى دمعة الفرقا تفرّح قلـوب إعـداك=وأنا مابقي لي معـك ميقـاف يجزعنـي
أبسري على ليلاي وأنته علـى ليـلاك=ماأريدك تظنّ بطمعتـي لـك وتطمعنـي
ترى العمر ماياقف عليْ بس أنـا ويّـاك=خصوصاً ليا صار الخطا منـك يدفعنـي
[/poem]