ღ ♥● أَحبک ●♥ ღ

:
؛
[poem= font="simplified arabic,5,#cc0000,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
يوم إن بعض الناس مرقدّه دافي=ولاشال هم أكرام جاره وضيفه
على الشفر يابنت غنيت قافي=وشلت الثقيله باللحون الخفيفه
وسريت يوم إن النجوم المقافي=قامت تدابح والمساري كليفه
صوت الزلامي فالمسجل ولافي=يشوش براسٍ جزل الأمثال كيفه
وجوي معه في ضلمة الليل صافي=لبيه ياللي ماشقو بالضعيفه
دام أستمعهم ماعليه خلافي=عيني عن أعيوب الخلايق كفيفه
وضوي على التمثال ماهوب طافي=ومسراي مسرى الغير ماهو وصيفه
عفيف من دونه طوال الفيافي=وخرايمه مرباع قلبي وصيفه
يالله بعونٍ منك والستر ضافي=أنت أتكالي ماعلى القلب خيفه
قلبي عن أمنجاك ماهوب جافي=وقلبٍ جفا ذكرك بلا شك جيفه
ويابنت ياللي تطلبينه ياكافي=أستر على اللي تل قلبه وليفه
أبشرك علام غيب الخوافي=يوم الخواطر والنويا شريفه
أجاب دعواك ووصلت أمتعافي=راعي عفيف أصبح يجول بعفيفه
وقاف الوفاء يالوافيه منك وافي=الله يبارك فيك مابان حيفه
ومشاعري تعجز لاتلقى مرافي=وترجامها في خافقي سل سيفه
نار الهوى قدمي وجيشه خلافي=ومن يوم زنده شب فالقلب ليفه
بالله نادي لي جنود المطافي=قبل أحترق والحب ماله خليفه[/poem]