هـــدوء.!

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خلّوه يأخذ رآحته ويتهنّا=لو هو على موتي ليا مت يرتاح
أموت بيدينه وهو ماتمنّى=حربي معه من دون تهديد وسلاح
وإن مت شوفوا عذر منا ومنا=ماهوب حمل جيوش وسيوف ورماح
مادام ذبحه لي بعينه تسنّا=قولوا لربعي مات من غير ذبآح
ماأبغاه من طلاّب ثاري يجنّا=ويصبح عن ترابٍ ربى فيه نزّاح
ولاأبغاه عقبي فاالحياه يتعنّا=خلّوه يقضي عمره أعياد وأفراح
أبيه بأحلام الحياه يتبنّى =مالاق له لو كان تمزيق الأرواح
ودّي ليا لايم ضعنهم ضعنّا=مع شرفة المغرب ومع نور الأصباح
يملى من الذكرى يده ويتحنّا=يوم إغتنام الورد والعطر فوّاح
وأيام كنّا كيف كنّا وكنّا=كنّا نعدّ القطْع نوع من الأشباح
والخوف ماردّ المقادير عنّا=والعمر لو يحمل على أدنى سبب راح
وإن كان ذنبه رابيٍ في وطنّا=حظّي هو أكبر ذنب لاقلت قم طاح[/poem]