۩♥رُوْمَـنـْـسِـيَّــات♥۩

[poem=font="Traditional Arabic,6,#42673F,normal,normal" bkcolor="" bkimage="" border="none,4,#400000" type=2 line=1 align=right use=ex num="0,#400000"]
قتلت الغرام اللي لك الشوق يدفعـه=بعد ما عجزْت انك عن الشك ترفعه
على البال في لحظه تناسيت موجعي=وآنا اسامر أوجاعك ماْ رجواي منفعه
عطيتك قبل تطلب عذرتك لاْتعتذر=شعورك مقدّر لا أخالفه وتبعه
ضلوعي بها آهاتي ولوعات مهجتي = ووقيك منها يومها حيل موجعه
تمتع بصدري مابي إلا سلامتك = مدامك موقّى لايضيمك تصدّعه
نعم يالمكان اللي سقيتك مدامعي= إلين اصبحت ريضانه الجدب ريّعه
إلي فيك برّاقٍ ومزنٍ تردّمت = تباكى تضاحك والصبَا ساقها معه
فلقها الرعد حتى تنثّر هميلها = تجمع ليا شحّ الفرح قض مضجعه
أجل يالمكان اللي يساقيك مدمعي= إلي فيك نخلٍ , لا , وإلي فيك مزرعه
وإلي فيك بستانٍ غرسته من الصغر = وإلي فيك مضرب نجْم ما جفّ منبعه
تربّيت برجاه وحضر فيه مولدي = عليه اعرفت خطواتي الضيق والسعه
وهالحين دونـه سور وسلاك شايكه = ودونــه سوافي عندها الشوف ودّعــه[/poem]