شـــــ بوح ــــوّية ...

مسجات مكانها ...

(القلب) ..

قبل

.. (صنوق الوارد)

(1)

في سيرة العشّاق كل شي (وارد)
إلاّ شعورٍ (صادرٍ)من ورى القلب

لـ عبدالرحمن حمد

(2)
إن كان للشعر بـ(الطايف) صباح ومبيت
أنته مبات الشعر ..وأنته شروق الصباح
لـ(طفلة الغيم ) يامستور علّيت صيت !
حقٍ لها تفتخربك بين كل الملاح !
أنا أشهد إنك بوصف أم الجايل وفيت
ولبّستها من عذوبة شعرك أجمل وشاح

لـ عبدالعزيز الذويبي
(3)
أنته علامك يابوشاهر؟
وراك ماترد علمني !؟

أنا بليل الشقا ساهر
وأنته مصيّف وظالمني !

لــ محمد بلال

(4)

لك معزّه كبيره راسخه بالصميم
بيني وبينك وبين (الروايع ) صله
والصداقه مابين أجدادنا من قديم
والروايع لها بالقلب حب ..ووله !
لـ وصل الشهيب

(5)
سلام ياأصحاب الغالين في كل حال
والله ماأنسى رجال الطيب والمعرفه
ترى رجال الوفا ..والمعرفه راس مال
رجل الوفا يعجبك لو كان ماتعرفه !
لـ محمد العطاوي

(6)
قولوا لـ(مستور الذويبي )
الشاعر الفذّ ..المفوه
من دون شك ..ودون ريبي
خوّتك يالمطنوخ خوّه
أقولها ..والله حسيبي !
من منطلق (حبّيت أنوّه )!
عليك بيّن ياصحيبي
رسم الشهامه ..والمروّه !

لــ فالح المصعوك

لهم جميعاً :-

محبتكم هي المكسب الحقيقي
افتخر .. واعتز بكل هذا الحب
والله يديم المحبه