س / سـؤال

ماهوب بيت .. الا قصيده

ولا ادري من هي له .,
يقول :-
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقول من هو يفهم الوقت وبخيص=للي تمنى حاجةٍ ما تخصه
بالك تمنى لو تمـنيك بـ .. رخيص=ترى التمني غصةٍ بعد غصه
أقنع بـ .. مقسومك ولو فيه تنقيص=لو جاك ربع اللي يجيْ الناس نصه
وأنحش عن الخفاش والبوم والنيص=وخل الأثر للي بخيصٍ يقصه
وأجلس بـ .. جوٍ ماتجيه القوانيص=وأبعد عن المجلاس قرب المنصه
لو حدّك الوقت الردي تاكل الشيص=وتشرب هماج وتنسدح بـ .. المجصه
آخيْر من عيشٍ يجي فيه تنغيص=وحبل الرجا بـ .. يدين مخلوق قصه
ومن لا يقيّس قبل لا ينوي الغيص=سود الليالي بـ .. المشاكل تخصه
ويصير عقب العز منبوذ ورخيص=ويصبح كما الخاتم ليا طار فصه
يقوله اللي شخّص الوقت تشخيص=لو تنشده يعطي عن الوقت قصه
وقتٍ كما البلوت يحتاج ترصيص=( أحدٍ يفوز بـ .. جد ) و ( أحدٍ بـ .. رصّه )[/poem]






س / ..
في نظرك .. ما الاقوى تأثير , الابتسامه / ام الكلمه الطيبه ؟