شيخة جنيه وريال ..!

المشاركة الأصلية كتبت بواسطة فالح المصعوك

السلام عليكم ورحمة الله وبركاته

مواهبيه متواضعه للتواصل .. عسى تنال بعض الرضا

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
يمّه لو انّي تاجر وعندي اموال=والله لآمشّيك في كل ديره
ونخلّي الدنيا وناسه وترحال=ونجاوز حدود ارض شبه الجزيره
ونروح لديارٍ بها برد وظلال=وننحاش عن صيف الحجاز وهجيره
ونطنخ طناخة راعي البشت من آل:=آل الدراهم والقصور الشهيره
وننفض غبار الهم ونوسّع البال=ونرتاح من شيل الحمول العسيره
ونبدّل الحال اللي نْعيشه بحال=وورد الحياة نشمّ نفحة عبيره
يمّه يـ /كثر شفوف بالي والآمال=وفي سكّة الآمال رجلي عثيره
ورّتني الدنيا من اصناف الاهوال=واضنتني سيوف الظروف الشطيره
وانا ولد من يذكر بطيب الافعال=وحفيد منهو شبّ للحرب نيره
اللي تحيزم واعتزىْ بْربعه وقال:=(ياشرّنا لأهل القلوب الشريره)
واليوم بعْد افنى الدهر عدّة اجيال=وبعْد انقضى وقت الحسام وجفيره
حتّيش لو كنّا مناعير وابطال=الصّيت في هالوقت ماخوذ خيره
الوقت هذا.. شيخة جنيه وريال=خلّت شيوخ ( ونعم ) فالصّف اخيره
واللي معه حيله على ربعه احتال=الله يعوّض في بياض السريره
ياكثر ناسٍ بالملايين تختال=غنيّة اموالٍ والانفس فقيره
آشوف فالدنيا عبر..واحفظ امثال=لكن عيوني عن بعضها ضريره
ولولاي ادلّه نفسي بْصحبة رجال=اهل النقا واهل الوجيه السفيره
(هذا ولد عمٍ وهذا ولد خال)=وهذا رفيقٍ مايبدّل بغيره
كان انفجر صدرٍ تولّتْه الاثقال=صدرٍ تكوّى من شهيقه زفيره

[/poem]

وسلامتكم

الله الله الله الله
الله الله الله
الله الله
الله ..

ماأجمل الشعر عندما يكون صادقاً من القلب ..

حتما سيصل إلى القلب بدون مقدمات ..

فالح المصعوك ..

شعر .. وشعور ..

وجما الشعر في توجيهه لأغلا مخلوق على وجه الأرض (الأم ) ..

أسأل الله العلي القدير ان يرزقك برها يافالح ..ويخلّيها لك ..

نص في غااااية الروووعه والجمال ..

صح فكرك يابو عبدالله ..

محبتي لكـ