متاهات العيون !

المشاركة الأصلية كتبت بواسطة غلاب بن عايض

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياجارحي ماعندك لجرحي ضماد؟= انا الغريم اللي بحاجة غريمه
عرّفتك بنفسي ولا احتاج نشّاد=فرصه وجاتك واعتبرها غنيمه
حاضر بحاضر وصل الهقوه الماد= ماعاد لوعود المقابيل قيمه
عامين أجاهد ضيقة الخاطر جهاد=تكّت وسوّت في خفوقي جريمه
حاربتها بدروع وجموع وأفراد=ولليوم من بين الحنايا مقيمه
ان زدت صبري صبر تقوى وتزداد =واليا تجاهلت العواقب وخيمه
يمكن توردني على غير ميراد=وانا رجل مايعترف بالهزيمه
ماهمني همٍ قعد لي بمرصاد=ولا ارضى حياة المهزله والظليمه
ودي اسوي للفرح عيد ميلاد!=واصادق الضحكه صداقه حميمه ,
واذكي احزاني على روس الاشهاد=من يدرق الاخصام مافيه شيمه
حتى تصير قلوب الاعداء لي بلاد=وادخل متاهات العيون بعزيمه
واصارع الآلآم و آمالي جداد=واطمح طموح اهل النفوس العظيمه
وافرش على درب المعاناه سجاد= وادق بيبان الحياه الكريمه [/poem]

ياسلام
ياسلام
ياسلام

يابوعايض



الابداع غير مستغرب منك ماشاءالله تبارك الله





صح لسانك × صح لسانك ،







،،