إبليس مزعج

المشاركة الأصلية كتبت بواسطة بدر ناصر العجمي

السلام عليكم

كيبورديه من الجاش مرروها

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

أقذيتني وإبليس مزعج صفيره=لا قام يلعب فوق راسك وعلباك
لين اندمجت وصرت كنك سفيرة=على مسار الشين يزهم وينخاك
لا عاد تزعجني وخذلك مسيرة=في عالم الغاوين وإبليس ناداك
إلا أنا نفسي عليا عزيزة=أصونها وأردها لو تمناك
عسفتها لو كان ما هي حقيرة=لا شك ما أبيها تذلل وتنصاك
ما تدري أن كنك قناة الجزيرة=اللي برامجها إشاعات وعراك
بالكذب والتزييف فعلاً خبيرة=خصلة بسيطة تتفق مع مزاياك
من كثر كذبك زاد قلبي نفيره=الوضع متأزم وأنا أول ضحاياك
كنسلت بثك قبل حر الظهيرة=لا عاد أبي قربك ولا أحب طرياك
رح في طريقك جعل فالأمر خيره=الله من أصدوف الزمن دوم يا قاك
ما أجيب لك طاري ولا تجيب سيرة=لو مرني طيفك وطيفي بعد جاك
في عمرك الأيام ما هي الأخيرة=تلقى مع العالم شبيهك وحلياك
ما دام عيني في نضرها بصيرة=ربي بيعطيني على كثر ما أعطاك
لا تحسب أن نفسي لمثلك أسيرة=لا والذي بالحسن جمل وسواك
كم بين خلق الله بوسط البريره=أحلا من أوصافك ومنطقه يسواك
يشفق على وصلي ونفسه كسيره=لا شك عن قلبي تحده زواياك
قبل أمس نفسي عند بابك فقيرة=تستعطفك وتميل منا ومناك
واليوم جت فيها عزايم كبيره=ما تلتفت لك وأتعمد تناساك
أن طعتني رح للطبيب أستشيره=عساه يلقى لك خبير يتبناك
ولا أنا عيني تراها ضريرة=عن واحدٍ في مثل طبعك وشرواك
كثر الحكي معاك مأخوذ خيره=لا ما كلٍ زادك ولا شاربٍ ماك

[/poem]

رح في طريقك جعل فالأمر خيـرهالله من أصدوف الزمن دوم يا قاك
ما أجيب لك طاري ولا تجيب سيرةلو مرني طيفك وطيفي بعد جـاك

صح لسانك ولا هنت يابدر