(*(( .. في الصميم .. ))*)

:
:


:


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

شعرالغزل ، نصفه خيال .. ونصفه الباقي جنون = إمّا الخيال نجنّنه .. ولاّ الجنون نخيّله
نهيم به في كلّ وادي .. مثل من لا يفعلون = ويوم السحاب نلمّه .. ويوم السحاب نسيّله
والشعر يشبه علبة الالوان ، واللي يلوّنون = يعوّضون بريشة اللون الكثير ، قليّله
باللون الاخضر ، نرسم الاوراق في كل الغصون = وباللون الاصفر ، دايم نذوق الدلال مهيّله
وباللون الاحمر ، نقطف الورده من الشوق ونمون = وباللون الازرق ، نوصل لنجم السما ونذيّله
وباللون الاسود ، نستبيح الرمش في جفن العيون = وباللون الابيض ، يستقيم الليل يوم نميّله
ياعلبة الالوان ، لوّنتي الغرام .. بكل لون = في صفحة الاحلام ، والواقع سرى .. لاشيّ له[/poem]

:
:


: