ܓܨ[ تلويحات !! ]ܓܨ

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما يجرح القلب ويزود طعونه طعون=الا اذا جاته الغلطه من اقرب قريب
يحاول يصد لكن موقفه ما يهون=اكبر من الذنب واقسى من طعون الحريب
البارحه ليل عشق وصدر قلبه حنون=واليوم في عروقه الخنجر وجرحه عطيب
يا مدمي الجرح قلي من اكون وتكون=لا صارت الذكريات اجمل بنات الغريب
ما دامهم يامرون بعينك ويبشرون=وش خانة الحب لاضاق الفضاء الرحيب
لا عذر مقنع ولا واهي ولا يحزنون=اقرار واصرار وضنونن مصيبه ..تخيب
هزتني الصدمه وهزيت كل الغصون=الغصن يابس بعد ما كان مؤرق رطيب
وتكسرت في يدي كل الحيّل والظنون=القلب والبال كلٍ من ظروفه كئيب
ما ودي اروح من عندك ورحت مغبون=فالراس قطره وفي صدري ياكبر النحيب
بين الوفاء والتمادي عاشوا المذنبون=وبين الزعل والرضى مال المنادي مجيب
محبتك سجن ماهو مثل كل السجون=يا حارس السجن يا مطلق سجينك .. عجيب !
غنيت والا تغنت بك جداد اللحون=انا اتمنى ما تردا مع ردي النصيب
وانا اتمنى معي تبقى وهم يبعدون=وانا اتمنى ضنوني كلها ما تصيب
وانا اتمنى بعد يبقى الغلا ذو شجون=وانا اتمنى يذّب الضيق .. فيضة شعيب !
وانت اعترف واجمع اعذارك ودمع العيون=وانا بكون الحبيب اللي ما غيره حبيب !![/poem]