( أ ) طلالـ .. ( ي ) .. !!

صديقي [ محمد الشويب ]
يقول :

يا طلال الجميلي والطريق الطويل ،
تّعب شعوري و ما تّعب أقدامي ..!

من دموع امنياتي من جروح الرحيل
وين اوجّه ابـ لقى الحزن قدامي ..!

كل ما لاح براق الامل قمت أخيل ..،
اقرب إنسان يعتقني من احلامي ..!

،

واقول :


يا الشويب ترى الدنيا تحط و تشيل ،
كل ما ذعذع الغربي بـ [ الأنسامي ]

امنياتك كريمه و انت ما أنت بخيل ،
إبتسم لـ [ الرجوم ] و رز الاعلامي !

لذة الحلم يا ( محمد ) بـ عمرٍ طويل
الهقاوي بعيده و الهدف سامي ... !

كل ما قلته اسمع به و شكله جميل ،
بس ما أعيش به في واقع أيامي ..!

عان صوتي حزين وعان جسمي نحيل
و ضاقت اوراقي من الحزن بـ ( اقلامي )

؛

اسعدتني و شرفتني بـ تواصلك وبـ أبياتك يا بو خلف ،



:

تواصل غالي من [ خالد المري ] عبر الـ ( Ask.me )
خالد يقول :


[poem=font="Traditional Arabic,5,black,bold,normal" bkcolor="burlywood" bkimage="" border="double,3,darkred" type=2 line=1 align=center use=sp num="0,black""]



خلفية الصفحه ماهي بـ ( شويه ) =ولاتهون الصوره الرمزيه
لكنها تحمل معاني واجد=حتى لو انها ماهي بـ ( ورديه )
تأثيرها فيني سواة ابياتك=لا سافرت بـ ( البال ) روحه وجيه
علق عليها ان قدرت بـ ( ركنك ) = ما جاز لك من وزن او قافيه
علق عليها لانك ليا علقت=تكفيني أعبر عن اللي فيه
[/poem]


وقلت :


[poem=font="Traditional Arabic,5,black,bold,normal" bkcolor="burlywood" bkimage="" border="double,3,darkred" type=2 line=1 align=center use=sp num="0,black""]



الطاري اللي جاب خالد حيه=و الطيب أدور على طاريه
يا مرحبا ترحيبة مسفوطه=و من الغلا مربوعة مثنيه
اشكرك يا خالد على اللي قلته=هيضتني و الا الهجوس معيه
مشغول فالدنيا و منهك منها=بس أتمنى الراحه النفسيه
الايام تركض والاوادم تركض=و آحلامنا عاشت و لا هي حيه
في نفوسنا تكبر و حنا نكبر=ظروفنا تقنص و هي محميه
عيّت على الواقع تعيش و تحيا= ونفوسنا ، مآمورةٍ / منهيه
احلام طارت و الحبيبه راحت=لو قلت : مالي فالمحبه نيه
أحب نفس الحب و اللي عاشه=و أقدر الحاجه لا جت عفويه
هذي علومي واستلم يا خالد=ما هيب عن من شافني مخفيه
مير الصور لا عاد تسأل عنها=هذي صور دايم و هي وقتيه
رسالتك و صلت و هذا ردي=مضمونها عادي و تلقائيه
و ان ما إنزلت في ركني ارسل رقمك=و تروح لك برسالة نصيه[/poem]

:

شرفتني واسعدتني بـ تواصلك يا خالد
كل الشكر لك ،

:



الغالي ( محمد السليس )
بـ متابعتك و حضورك هنا ،
تسعدني وتشرفني يعلم الله !

كل الشكر لك على كرم مرورك ،



؛

؛



يا رب ماادري ، ألحق الشهر الفضيل او ما ألحقه ،
وانا ( كذا والا كذا ) ، من دون رحمتك : [ آهلك ]

وش ينفع المخلوق لو ما يرحمه من هو خلقه ..!
يا رب انا من فضلك و رحمتك يا رب اسألك ..!




؛

؛





يا لوعة العاشق و مرسى الشعور الأخير ،
وشلون ما ابقى معك : فـ اللين والا القسى !

وانتي ( محط إهتمام ) لـ ناس غيري / كثير ،
وانا ( محط إهتمامك ) : في صباح و مسا !






؛

؛





الشخص الوحيد الذي أعرفه ويتصرف ب : عقل هو ” الخياط “
فهو يأخذ مقاساتي من جديد , في كله مره يراني . .
أما الباقون فـ : يستخدمون مقاييسهم القديمة , ويتوقعون مني أن أناسبها !



لـ ؟
؛

؛




انفض : ( غبار الذكريات ) و تعايش ،
مع حاضرك و الماضي انسى : ظروفه !

ما زال : عندك من يحبك و ( عايش )
لد بـ ( عيونك ) بـ إتجاهه .. و شوفه !

و افتح لـ شمس الصبح ، كل الدرايش ،
واسمع من طيور الغصون ، معزوفه !




؛

؛





اللي بنيته ، لا تجرّيت : هدمه ،
لا تفقد المشتاق و الا إشتياقه !

ليا بقى قلبي على حبك ، أدمه ،
طعم الهوى ما عاد يغري مذاقه !

لو صدمتي بك ، ماهي أقو صدمه ،
لكن ..! لا يمكن تستمر : العلاقه !









؛

مصلح نميان ،
لا زلت تضفي جمال تصاميمك على ما أكتب ،
ولا زلت أشكرك ولا أفيك حقك ،

شكراً لك ،

؛

من رحلت !
و كل من حولي رحل ،
كل حاجة :
من هناك و من هنا !

يا حزن ،
شف لك عقب صدري محل ،
( الشعور الحي )
مات ، وعشت انا !





؛

؛

تدري !
لو إن بعدك :
يحقق لي أحلام ،

مديت لك كفي ،
و ودّعت : ( حلمي ) !

؛