إنّ الذي خَلَق الظلام يراني

المشاركة الأصلية كتبت بواسطة محمد القثامي

بسم الله ,,

00000

000

0

[poem=font="Simplified Arabic,6,black,bold,normal" bkcolor="transparent" bkimage="" border="groove,4,gray" type=2 line=1 align=center use=ex num="0,black""]
عَوّدت بالقول الصحيحِ لْساني = واسْرجت لحروف القصيد حصاني
مؤمن واصلّي واسْجدِ لْمولايه = ولانيب متْطرّف ولاعلماني
أشهد بأنّ الله ربٍّ واحد = متفرّدٍ بالفضل والإحساني
شهادةً أرجوا بها مَغْفِرته = ويرجح بها يوم الحَشر ميزاني
من بعدها ياسامع المنظومه = السرج سرجي والعنان عناني
وهذا الكلام اللي حصل واسمعني = واخْذ العِبَر من تالية قيفاني
البارحه وثّقْت وَعْدٍ بَيّن = مع صاحبي والمشكله ماجاني
وطوّلت في نفس المكان انتظره = وانثر على البحر الغزير اشجاني
وجَتْني مِنَ ابْدت لي طرف زينتها = بنتٍ لعوبٍ عودها ريّاني
معها هنوفٍ فالشّبه تشبهها = أخوات مثل اللول والمرجاني
وقالت لي اكبرهن علامك جالس = في هالمكان المنعزل وحداني
قلت العفو يابنت وش مطلوبك = وقالت برمشٍ فاترٍ نعساني
الظاهر انّك تِنْتظرجيّتنا = والا مواعد لك حبيبٍ ثاني
قلت الله اكبر شايفتني رامي = عيّا ش والا مِن بني الرحباني
قالت أجل قلبك بلا حنّيّه = لنّك سعودي مانته بلبناني
قلت ايه , واليا كان هذا طبعي = ولالي طريق لْدوحَتك يحداني
آنا بِدَرْب الحب لو ناديتي = ماوالله اسمع كل مِنْ ناداني
من قبلك القلب العفيف اهديته = غالي ودونه قفّل البيباني
والقلب ماهو شقة ٍ مفروشه = اتعج بالزوّار والسكّاني
القلب واحد والحبيّب واحد = ولاغيره اشبعني غلا وارواني
عاهدته بربّ الملا ماخونه = واوثَقْت عهدي باغلظ الأيماني
ولنّي على عهدي ولا قد خنته = بابْعِد ولو ساق القدم تعصاني
واقْفيْت في ليلٍ ظلامه ساتر = لو كان شيطان الغرام اغواني
وردّدت من شٍعر الفصيح الممتع = بيتين شاعرهن بِهنّ اكفاني
( وإذا دُعيت لِريبة ٍ في ظلمةٍ = والنّفسُ داعيَةٌ إلى الطغياني
فاسْتحي مِنْ نَظَرٍ الإله وقل لها = إنّ الذي خَلَق الظلام يراني ) [/poem]

من قبلك القلب العفيف اهديته = غالي ودونه قفّل البيباني
والقلب ماهو شقة ٍ مفروشه = اتعج بالزوّار والسكّاني


لا هنت وصح لسانك