{.. ذائــــقتـــي.. } ..!

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جرّيت الآه وفاحت عطور الاحباب = واستغربت نفس ٍ عليهم قتيله
من كان متوقّع يفوحنّ الاطياب = من جرح سكين الخليل بخليله
اثر الغلا يطوي على القلب مخلاب = ويشبّ في بهو الحنايا فتيله !!
ياليت مالي قلب يصبر ليا انصاب = صبر الجمال على الحمول الثقيله
واكون لاقي لي من الضّيقه ابواب = ما حاصرتني في رجا المستحيله
يا ساكن صوتي وصوتك للاغراب = ليه القلوب اللي تهنّت قليله ؟؟
لو شاب درب الود والود ما شاب = اقل نسمه سقتها تستميله
تسكت وانا مالي عن البوح مجناب = لحني على مرّ الشّقا من يشيله
جاورت جرحي وانت طيّب ولا طاب = ليتك معلّمه التقى والفضيله
انت الوحيد اللي به الظّن ما خاب = نقاك فطري والتفاتتك اصيله
لاتكتئب من فرط حزني وترتاب = الله كتبلياه والله وكيله
اسكب عليه الابتسامات وان ذاب = اجبرت مجرى الدّم يخلي سبيله
انا عجزت اطويه والقى له اسباب = واخترت ادوّر للتعايش وسيله
وانت ابتسامك عيد عن موعده غاب = عودني انتظره ولا اقبل بديله
ما دام لي يوزر وفكره ومرقاب = تابع تفاصيل العنا كل ليله ![/poem]