{.. ذائــــقتـــي.. } ..!

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارح اهوجس على حيد مركاي =الهم وزن الشعر والحب قافه
اروح لـ ابعد حزن واضحك وانا جاي=واقول لضيوفي ياقل الكلافه
مافيه مخلوقٍ درى ويش بلواي =ولافيه جرحٍ خافقي ما استضافه !
جرح الصديق اللي حداني على اقصاي =عد الوفا من بعده أعلن جفافه
وجرح الرفيق اللي فتح باب لعداي=حتى الذي كنت آمنه صرت اخافه!
وجرح القصيد اللي ماناسب لمبداي =صار اغلبه كذب ونفاق وسخافه
وجرح الزمان اللي على غير مشهاي =كيف اقتنع في شي نفسي تعافه!
وجرح الحبيب اللي منه كل شكواي =اقسى ليالي العمر ليلة زفافه
أهل الهوى تشكرك ياعازف الناي=انت اكتشفت احساس صعب اكتشافه!
خلي عليه يهون بعدي وفرقاي =معقوله ان الحب وهم وخرافه ؟
ماكنه اللي صال فا ادناي واقصاي=بيته عيوني والمشاعر لحافه!
واليوم زعلنّي ولا دور ارضاي=وتبع المقفّي فالمحبه ضعافه
احفيت رجلي لين تاهت بي خطاي=حسبي عليك الله يا جسر الرصافه
ياكبر شرهاتي ويابعد مغزاي =لو حظي اعوج من رقبة الزرافه!
ياوقت لاتعمي عيوني بيمناي=والمتّهم ماباقي الا اعترافه
ويا بايعين الطيب للطيب شراي =ولاني ملحق ماشريته حســـــافه
الطيب كنزٍ مغتني به فدنياي =ولاني بشاكي جوع ولا مخافه
احيان تلقى الفقر مع فالح الراي=واحيان تلقى المال مع شخص تافه[/poem]