ミ♡彡 ( آآآآه لــي ) ミ♡彡

[cc=حزن وحزن][poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تراتيل حزن وحزن لو يقبل التّرتيل = فضحته على روس الشواهق ورتّلته
بدا للامل سكّة ضيا واحتداه الليل = وحلمٍ جمعته داخل الصدر ما طلته
خشير القمر .. ما مرّك من المشاعر خيل ؟؟ = تعدّي مسافات الزّعل واصعب اسئلته ؟؟
تعبنا نجرّ آخر خطانا بدرب الميل = وطاح الرجا قدام عينك ولا شلته
وضعنا الزّمن قدام بعض وعليك الميل = وانا ايضاً عليّ الميل لو عنك مازلته
امانه خذ من الصّدر نبضه لها تاويل = ليا شحّت كفوفك رجعت وتأملته
معاهدك ما تلقى الجفا دام فيني حيل = ولا افرض عليك الشيّ لو ماتحملته
انا في مسارك لين ترسل لقلبي سيل = يغسل المواجع كلها كانك ارسلته !!
ولو مر طاريٍ للجفا والعنا والويل = فداك القصيد اللي لو اموت ما قلته [/poem][/cc]

[cc=احراق][poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تغار ولا تقول الكلمه اللي تتعب العشاق = وانا اللي لا سمعت سكوتها ميزت معناها
وتضيق وكلما ضاقت بعيني ضاقت الافاق = الين امدّ شوفي في طلبها واعجز القاها
على كفّينها تنزل فراشات وتدور احداق = ولا تحسب عطاه امّ العطا وتمد يمناها
احبّ احساسها واحسانها وشعورها المنساق = وفزعتها لدنياي العريضه باوضح ضياها
بلاي انّي عجزت اوصف بلاها نبضة الخفّاق = واقول اني حبست وصالها واطلقت فرقاها
وبلاي اللي بقلبي ساكنه وتمارس الاحراق = وانا ما امارس الا خوفي ان النّار تصلاها [/poem][/cc]

[cc=سِـــــــرب][poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
على الهون يا رمشٍ رمى مهجتي عن قرب = تري الحب لك ما انساق صدفه ولا قرعه
عشقتك مجرد طيف صار الغذا والشرب = ونبَت لك نبات الشوق لين اثمرك فرعه
حرام اني احبك واعيشك حياة الغرب = وانا ما نويتك بالردى لا ربح شرعه
كذا اخترتك لحالك وجتك المشاعر سرب = فدتك الطعون اللي على الحدب منزرعه
بقول الك بيتٍ واحدٍ وانتي اخذي درب = يردك عليّ او يذبح الحب بالخرعه
لو اني بحب ايّة بشر واسكن اية قلب = لقيتيني اتخلص من احساسي بسرعه [/poem][/cc]

[cc=ما تشووووفه ؟ !!][poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهو صحيح اللي بعيدٍ عن العين = قلب المحبّ من المدى ما يشوفه
هذا انت باخر نقطه بكلمة البين = والقلب يطلبك الدفا لا يطوفه
يافرع خال مورّد المنطق الزين = عطني شبيه لك واغني حروفه
لو انّ مالك ثاني من المزايين = واقول تعبات السنين مخلوفه
لكن صبّر روح من يعشقك لَين = تشبع نظرعينه وتسكن بجوفه
تلهمني الفكره وانا آصوغ بيتين = يلقى بها الملتاع سلوى ظروفه
يامعذبي دمعي بدت له عناوين = وقامت على عيني تلامع سيوفه
شفت الاماكن خاليه منك للحين؟؟ = مرضيك من حبك تلمه كفوفه ؟؟
سرقتني قسوه وغافلتني لِين = وتراكمت بالصّدر منك الحسوفه
اعرفك للغيره بصوتك براهين = وابعاد حزني من تعبك معرفه
وان قلت لك ويش الهوى قلت بعدين = خلك لحالك في ملاقا حتوفه
وانا ماظن اهنا سواة المحبين = مادامي ازرع حبك ولا تشوفه
[/poem][/cc]

[cc=بـعيـــــــــــــــد][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تدري وش احساسي وانا اشوفك بعيد = احسّ روحي غصن خلّته شجره
تتساقط اوراقي وانا اردد واعيد = اعاتبه في حالتي ؟؟ او اشكرره ؟؟
والحب يوم انه يشابه للجليد = ما يذكره ؟؟ لا يذكره ؟؟ما يذكره ؟؟
لين انتهيت ولا بقي غير الوريد = اكتب به احساسي ولا لي محبره [/poem][/cc]

[cc=اجــــواء]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلّ قلبك لا برود ولا حراره = لين روح اللي يداريك تأسرها
مانشدتّ ولا طلبت الاستشاره = غير خذها من ضمير اللي خبرها
القلوب البارده همّ وخساره = لو تسخنها الاحاسيس نخسرها
والقلوب القاسيه مثل الحجاره =لا تلاقت فالهوى يقدح شررها
= [/poem][/cc]