( مقتطفاتي )

المشاركة الأصلية كتبت بواسطة شاعرة نجد

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليته يشوف دموع عيني وليته=يسمع دعاي ليا بكيت ودعيته
عامين من ودّعته وغاب عني=لاشك معي وخالقي مانسيته
ماودي الا بريحة اشماغه اللي=أشفى واطيب بريحها لانتشيته
أضمها لاثار حزنه بصدري=وامسح بها دمع الألم لابكيته
ضمة غلا ثارت علي المواجع=جارت وأنا ليلي طويل وسريته
راحت بي الذكرى تسوق القوافي=يالله من بيتٍ هدمت وبنيته
وصَلـْت لين العاصمه واستقرت=روحي وحامت فوق قبره وجيته
وعودت أجر اخطاي وأمسح دموعي=ليلٍ جرالي يافهد ماهقيته[/poem]

أسأل الله العظيم رب العرش العظيم في هذه العشر المباركه أن يرحم والدي ووالديكم وجميع أموات المسلمين

اللهم آمين ، اللهم آمين

قريت ابياتك البارح ، ولما سجلت دخولي لقيتني لا شعوري في ركنك
إحساس ابياتك ماكان طبيعي ، و اقبلي مني هالأبيات بـ عفويتها !


البارحه ماغمـّضت منك عيني
اقرا بيوتك .. وأدعي الله يصبّرك !

رددتها بيني / وبيني / وبيني !
ولا ودي عن كثر التفاكير أخبّرك !

تصـّبري والله مع / الصابريني
قادر على فقدك لـ والدك ( يجبرك )


ودمت ِ بـ ود يامبدعه