فهد آلمسآعد " آلعذوبه " آلغير متكلفه ..!

..


آلريح و آلنآي ..





[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليلة فراق و بـرد و بـروق و ريـاح=وصوت المطر يفصل اخطاها عن خطاي
نقرب .. وتنبت فـالوطى بيننا رمـاح=حتـى تلاقينا..لقـا الريـح والـنـاي
آخر لقا يغـزل مـن الغيمـة وشـاح=وأول لقا يمضي .. بلا موعـد جـاي
مسحت عن وجناتهـا صبـر وجـراح=وأنا جراحي كانت أكبـر مـن بكـاي
قلـت أذكرينـي ماهمـا بـارق ولاح=وأيّاك تبكينـي تـرى الدمـع نسّـاي
إذا سألوك الناس .. قولي لهـم : راح=بالك يجي طـاري وداعـي وفرقـاي
ترى الفراق الموحش .. فراق الأرواح=أما الجسد لـو غبـت تحييـه ذكـراي
صدّت .. و في وجناتها الدمـع ذبـاح=وأنا أعتـذر لعيونهـا عـن سوايـاي
تبكي وأنا أمسح دمعهـا كـل ماطـاح=كنت أحسب كفوفي بتمسـح خطايـاي
لو اجرحتني وقتهـا .. يمكـن أرتـاح=لكنهـا.. وبـدون كلـمـة ولا راي ..
أقفت توّدع عمرهـا اللـي معـي راح=وأقبلت أودّع عقبهـا عمـري الجـاي [/poem]






يتبـــع ..

..

..

من يلومه في " عشق " آلهلال ؟

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
أناهلالي بالهـوى ، والمشاعـر=لكن ترا مانيـب شاعـر هلالـي
شاعر بكل الناس والكـل شاعـر=بإحساسي الصادق وشطحة خيالي
اهيم في الوديان وارحل واسافـر=مع كثرة الشعّـار كنّـي لحالـي
احيان اشوف الحُب مُشرك ، وكافر=واحيان اقول الحُب هو راس مالي
لكـن اذا حبيـت مااقـدر اكابـر=كتمان هذا الحب فـوق احتمالـي
واللي يعد الصدق ماهوب خاسـر=قـد قلتهـا واقولهـا اول وتالـي
احب نادي القـرن واحـب ياسـر=واحب كل انسـان دمّـه هلالـي [/poem]






[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الله عليـكُـم ياجماهـيـر نــواف=أثبتـوا الليلـه وفــاء الجّماهـيـر
الله يانادي القرن نشكّـرك بإسـراف=كرمت الاسطوره يانـادي الاساطيـر
ونواف يستاهل بلا شـك وخـلاف !=فن , وحسن خلق , وتواضع , وتقدير
لاعب جمع كـل النـوادي والاطيـاف=جينا لوداعه فـوج فـوج وطوابيـر
والله نحبه حبْ صـادق وينشـاف !=ونـواف مايحتـاج حبّـه لتبـريـر
رقم احدعش يعني المهاره والاهـداف=الله يذكـر صاحـب الرقـم بالخييـر
انتر ميلان لو عندكُـم مثـل نـواف=عذرتوا الليلـه عيـون الجماهيـر ! [/poem]

لـ " نوآف " التميآط ..

يتبـــع ..


..

..


تحت " الأرض " أحبك ..





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مي هذي مثل طلّ الصبـح لأغصـان الحدايـق=يبتسـم قطـر النـدى لاباسـتـه أو باسـهـا
مي هذي بنت لامن شفت صدر الليل ضايـق ..=أدري ان عيون مـيّ اليـوم طـال نعاسهـا !
من هنا تصحى ويصحى الحب في عيون الخلايق=ومن هنا تغفى وتنسى الارض ضحكـه ناسهـا
يسعد الله قلب ميّ اللي كثر ماهـوب بايـق ..=..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق=حيّرتني مي..الأجمل : هـي..والا أحساسهـا !؟
بالها لاضاق زانت..كيف لامن صـار رايـق!؟=في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق=بس اخاف ان مت..تحني مـي فوقـي راسهـا
مي لـو تبكـي لموتـي مالـي الا افـز فايـق=من قبل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق=الجسـد موتـه يفـك الـروح مـن حراسهـا
ماأحبك فـوق الارض وبـس ياكـل الخلايـق=حتى تحت الارض أحبـك يابعـد مـن داسهـا
مي لو ماقلـت فيهـا بيـت واحـد ماتضايـق=لأن مالي شعـر ينشـر لـو رفـض كراسهـا [/poem]



يتبــــع ..







..

..



صــدفـــه ..







[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشوق مالـه عمـر , يفنـى وينعـاد=له في الضلوع أن عاد وأن غاب رجفه
مع كل فرقا , له ورى الجفـن ميـلاد=وأن ماتت الفرقا لقـى الشـوق حتفـه
جيت أقتل الفرقـا مـن بـلاد لـبـلاد=مـلّ الطريـق يشيلنـي فـوق كتفـه
وأنا بعد مليت مـن كثـر مـا أرتـاد=هالشارع اللي كان لـك فيـه شرفـه
تظمأ عيوني شوفك , وتشبـع سهـاد=عيّا الزمن يقطـع ظماهـا بـرشفـه
لاوجهـك أسقاهـا , ولا ذاقـت رقـاد=ماغير طيفـك , طيفـك اللـي أعرفـه
كنّه ظبـي , وعيونـي ظـلال صيـاد=يجفـل قبـل يرتـد للجفـن طـرفـه
مشكلته أنه كـل مـا أشتقـت يـزداد=حتـى مـلا جـدران وقتـي وسقفـه
وأصبحت أشوفه فـأول الغيـم لاجـاد=وفـأقصى الشفق لاطاحت الشمس خلفه
وفي الأرض لانامت عقب صوت رعـاد=وفي كل شباك ٍ صحـت منـه درفـه
أتعبت طيفـك لـوم , واللـوم مافـاد=ويوم الأمل في شوفتـك مـات نصفـه
نويت أسافـر عنـك بجـروح ٍ جـداد=وعمر ٍ من أوراق الزمن حان قطفـه
نويت , لكـن جابنـي الشـوق منقـاد=وجابك حنينك , والزمن سـال عطفـه
شفتك تبسّم لـي خجـل مـدري عنـاد=وفي نظرتك شوق ٍ من الظلم وصفـه
حسيت كني طفـل , وعيونـك أعيـاد=ياعيدي اللي لـه ورى الصـدر رجفـه
سمّ اللقـا صدفـة , وأسمّيـه ميعـاد=أنا أنتظرتـك , وأنـت مريـت صدفـه [/poem]


يتبــــع ..

..


بسم آلله عليك ..






[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيـت فـي ليلـة وداعـه تـايـهٍ بـيـن البـيـوت=وصحت : "وينك؟!.. جيت اوادع عمري اللي ضاع فيك"
مـا سمعـت الا صـدى صوتـه وكـان آرقّ صـوت=ينطق اسمي..ثم يهمس : "من متى وانـا احتريـك؟!"
قلـت وهمومـي تغافـل زفـرة الحـزن وتـفـوت :="هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت=قـال وعيونـه تغـارق دمـع : "بسـم الله علـيـك"
قلت : "يا ابن الناس عادي مـاورى هالمـوت مـوت=وش وراهـا لا فقـدت عيونـك ولمسـة يـديـك"؟![/poem]



يتبــــع ..




..

..

وحــده بوحـــده ..





[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغايـبـه وان كــان فيـهـا جمـالـه=تجمّـلـي يــاام الـحـلا والظـفـايـر
بالله شوفـي صاحـبـك كـيـف حـالـه=شوفيه فـي غيبتـك وشلـون صايـر ؟!
صارت حياتـه ضيـق خلـق .. و بطالـه=هم .. وسهر .. واوراق شعر .. وزقاير !!
يعنـي حبيبـك صــار حالـتـه حـالـه=مابـاقـي الا انــه يــدّن العـبـايـر
الله لامـنّــه ذكــــر مـامـضـالـه=قـبـل الـدوايـر ماتـجـر الـدوايــر
يـوم الطفـولـه والشـقـا والجهـالـه=يـوم الكبايـر فـي عيـونـه صغـايـر
ايــام كــان معـانـده راس مـالــه=ويسـوق لهـبـال الشـقـاوه بشـايـر
يامـا امتلـى بالحـب والطـيـش بـالـه=ويامـا امتلـت مـن شخبطتـه العوايـر
يكتـب عليهـا : ( عاشقـك للثمـالـه )=ويخـطّ توقيعـه : ( جريـح الضمايـر )
يامـا اشتكـاه ابـوك فـي بيـت خـالـه=ويامـا تحصّـل مـن هــواك العـزايـر
مـره حـلـف بـأنـه يبّـطـل هبـالـه=وقبـل يكمّـل .. فـك اخـوه الستـايـر
ثـم طالـع الشـبـاك.. ليـنـك قبـالـه=وفي اقل من لمـح البصـر جـاك طايـر
علـى صغـر سـنـه ممّـيـل عقـالـه=كااشـخ ونـاسـي لايـصـك الـزرايـر
لاشـافـك يتمـتـم لحـالـه فـحـالـه=لعيـون هالشـوفـه تـهـون الخسـايـر
ولاشـاف زول ابـوك حــذّف نعـالـه=الحـب جايـر .. لكـن الـعـود جـايـر
طفـلٍ يتيـم ورغـم الأحــزان دالــه=مايـدري ان حظـه مـع الوقـت بـايـر
كنتـي طموحـه .. كنتـي أغلـى حلالـه=كنتـي وصرتـي بـس يـاام الظفـايـر
طفـلٍ زرع مـن ضحكتـك فـي خيـالـه=ليـن اثمـرت شعـرٍ هـزالـه حـرايـر
لاتتركيـنـه فــي غيـابـك لـحـالـه=بالله شوفـي كيـف هالطـفـل صـايـر
ووحـده بوحـده كـان عنـدك عـدالـه=اتبّطلـي غيـبـه .. و ابـطّـل زقـايـر [/poem]


يتبــــع ..







..

..




آلتفآصيل آلصغيره ..










ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***

ياأدفى من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصالحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***

أدري فيك تموت فيني
وأنا ميت من برودك

لي متى وانتا تبيني
وماتحسسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل احبك ..
قل احبك بأعلى صوت

انا مليت السكوت

***

ياإبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع ونغترب

بالتفاصيل الصغيره
نقدر نعيش ونحب



يتبـــع ..





..

المشاركة الأصلية كتبت بواسطة جُمانه

..


آلريح و آلنآي ..





[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليلة فراق و بـرد و بـروق و ريـاح=وصوت المطر يفصل اخطاها عن خطاي
نقرب .. وتنبت فـالوطى بيننا رمـاح=حتـى تلاقينا..لقـا الريـح والـنـاي
آخر لقا يغـزل مـن الغيمـة وشـاح=وأول لقا يمضي .. بلا موعـد جـاي
مسحت عن وجناتهـا صبـر وجـراح=وأنا جراحي كانت أكبـر مـن بكـاي
قلـت أذكرينـي ماهمـا بـارق ولاح=وأيّاك تبكينـي تـرى الدمـع نسّـاي
إذا سألوك الناس .. قولي لهـم : راح=بالك يجي طـاري وداعـي وفرقـاي
ترى الفراق الموحش .. فراق الأرواح=أما الجسد لـو غبـت تحييـه ذكـراي
صدّت .. و في وجناتها الدمـع ذبـاح=وأنا أعتـذر لعيونهـا عـن سوايـاي
تبكي وأنا أمسح دمعهـا كـل ماطـاح=كنت أحسب كفوفي بتمسـح خطايـاي
لو اجرحتني وقتهـا .. يمكـن أرتـاح=لكنهـا.. وبـدون كلـمـة ولا راي ..
أقفت توّدع عمرهـا اللـي معـي راح=وأقبلت أودّع عقبهـا عمـري الجـاي [/poem]






يتبـــع ..

..

ابو فألح عالم ثاني
من آكثر الشعراء اللي تابعتهم ومن اوائل من تابعت من الشعراء
نجم بكل ماتعنيه الكلمه شعراً واخلاقاً
مشرفتنا القديرة جمانه
موضوع جذاب وذائقة ذهبيه

المشاركة الأصلية كتبت بواسطة عفاس بن حرباش

ابو فألح عالم ثاني
من آكثر الشعراء اللي تابعتهم ومن اوائل من تابعت من الشعراء
نجم بكل ماتعنيه الكلمه شعراً واخلاقاً
مشرفتنا القديرة جمانه
موضوع جذاب وذائقة ذهبيه

..

مبدعنا " عفآس بن حربآش " ..

توآصل مميز وحضور يسعدني بكل تاكيد ..

ادام الله هذا " التوآجد " ..

تقدير واحترآمي الصآدق لك ..


..