(*(( .. في الصميم .. ))*)

قصيدة قديمة للتوثيق

( طعنة حبيب )
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ماقلت لك ! رغم الأمان ..احساس قلبي مايخيب = والفرق ، واضح بين هدّاج المحبة ، والسراب
ماقلت لك ! بـ انّ الهوى المبني على ..طعنة حبيب = محاولة مخنوق ..يتنفس هواه من اي باب
مجروح ، حدّته الجروح الطاغيه على الطبيب= مظلوم ، من باب التشفي يجرح احساس السحاب
كم كنت اثير الأسئله ، والأسئله سم اللبيب = وكانت تراوغ عند اجابتها ..وانا اعرف الجواب
ماكنت ابحرجها ، واعرّيها من ثياب النصيب = عشان مانفتح على درب الشقا ..تسعين باب
حاولت اعوّض صبرها ..من جنة الصدر الرحيب = واهديتها ..عطر ، وثمان ورود ، وعروق ، وكتاب
لكنّ ، عيا قلبها من عطرها الاول يطيب = تخفيه واحساسي يشمه ، واخفي رعود العتاب
وقررت اسافر بي من الفرحه ..ليا الحزن العصيب = عشان ، مااعرّض شرف كرامتي للاغتصاب
هذا وانا ماالومها ، والحب من جمر ولهيب = والذكريات ..تخاتل المعلوق دون ادنى حساب
احس فيها ، لن نبض احساسها ماهو غريب = واعيش نفس ظروفها ..بين الوطن والاغتراب
ماغاب عطري عن نظر روحي ، ولانفاسي قريب = وانا احسب انّه يمكن.يبدّل .. بتبديل الثياب
وادركت بـ ان اللي جمعنا ..حاجة الدلو لقليب = وتقدير ، واعجاب بفكر فارق ، وتخدير لعذاب
لذا ، فـ انا جداً ضميري مستريح ..ان جيت اغيب = لنّ اقصر دروب آخر النسيان ..من باب الغياب
[/poem]