نسيت نفسي .. قوية باس !!

ماعاد ..عندي وقت.. لايّات حاجه

نسيت نفسي .. من كثر .. مابها كبْت !!

عندي .. تساوى .. الجدّ .. وإيّا السماجه

كنّي سهيت .. وغبت عنّي .. وتغرّبْت !!

الوجد .. في قلبي .. تأخّر علاجه

طابت .. معاليقي .. وانا منه .. ماطبْت !!

ناديت .. ياحظٍ .. خذلني إبتهاجه

يلعب .. وانا ماقد .. ضحكت .. وتلاعبْت !!

تعال .. كانك ..تستفزّ .. المواجه

شفني .. على ذنب .. المواصيل .. ماتبْت !!

اجيك .. صدرٍ .. واسعاتٍ فجاجه

وتشره عليك ..ضلوع صدري .. اذا غبْت !!

ماذلّني .. شحّ الفرح .. وإحتياجه

ولا هدّني .. دمع المحاجر .. ولا هبْت !!

اشرب .. مصيري .. واستلذّ .. بهماجه

ماعنك ياصبرٍ .. على نفسي .. اوجبْت !!

لولاك .. فكري .. ماتعدّل .. مزاجه

ياكمْ .. كتبتك .. في قصيدي .. وعرّبْت !!

لو قلبي .. احياناً .. تشكّى .. إنزعاجه

عليه .. من وبل .. المشاريه .. عاتبْت !!

واوقدت .. في درب الجلاده .. سراجه

مجبول .. ياراسي .. على العزّ .. لو شبْت !!

صح لسانك
قصيده جميله جداً جداً
لا يكتبها الا شاعر متمكن