حلو الدر ..

صح لسانك

نص رائع ومعاني جزله

مبدع

لاهنت

الشعر اله شاعرٍ يحرص على شرده = ومن مفردات القوافي ياخذ الندّر
ياخذ من الجزل ويجنّب عن الخردة = حتى يجي مركزه في الشعر متصدر
قلب العنا يقتلب من كثر ما يرده = هجوس فكرٍ تِرِد للقلب وتصدّر
ما همّي الوقت لا حرّه ولا برده = راضي بما يسّر الباري وما قدّر
والخير يأسر وبعض الناس منقردة = ومن لا يقدّر هل المعروف ما قِدّر
فيافي البيد قدم العين منجردة = يا زين مشيٍ بها كان الوسم بدّر
شفّي شفا نجد من سفوه ليا فرده = والديرة اللي مسمّاةٍ بحلو الدّر
توضيح تلك الديار بكلمةٍ جردة = رغوه وزبدان والسرحي وما حدّر

بن سويلم بيض الله وجهك على هالدرة الثمينة اللي مايجيبها الا سبًاح ماهر
والبيتين الاخيرة كان لهن وقع في نفسي 0
سلمت ياشاعرنا المبدع دائماً0