داهية عشق0 وإسلوبي خَطير!!

المشاركة الأصلية كتبت بواسطة

كاتب الرسالة الأصلية عبدالرزاق الذيابي
صباح الخير للجميع ومساءُكُم اجمل بإذن الله


[poet font="Simplified Arabic,4,white,normal,normal" bkcolor="transparent" bkimage="backgrounds/70.gif" border="outset,4,gray" type=2 line=200% align=center use=ex length=0 char="" num="0,black" filter=""]
بعد مامسّيت بالخير للحلم الكبير!=إستوى عندي قديم الليالي والجداد
باقي احلامي! عصافير ماعادت تطير=تنكسر جنحانها عندهقوات البعاد

آه ياقصر الليالي وياطول المسير=وياكثر زرع الايادي وياقلّ الحصاد
كنت مُدرك في زماني وغاوي عَن كثير=مع تمام المعرفه بالبياض وبالسواد
كنت افكّر في جهنّم واناجي زمهرير=عين تسهر من عناها والاخرى في سُهاد
كنت الاعب ريحة التبغ عَن شَمّ العَبير!=والجهل لازدت في العمر! طاوعني وزاد
كنت اهاوي كل عذرا تلَبَّس للحرير=وتختفي ليلى من البال لابانت سُعاد
كنت انا في كُل وادي لعشّاقي سَمير=وابدي اسراري مع اهل الهوى في كل واد

كنت فعلاً داهية عشق0 واسلوبي خَطير=وكان قلبي! مَسرح الكذب0 لاوالله مزاد

كنت جاهل مثل ماقلت مجهول المصير=وكم عَنيدٍ في زمانه من اللوعات عاد
بعد عقّبت الثلاثين! حاورت الضمير=ياجهاد النفس يالييييل يانفس الجهاد
وإكتشفت إني لنفسي ولَـذّاتي أسير=صِـدْق(منهو طاوع النفس في دنياه)! غاد
كنت انا0لازلت0 للقلب وإحساسي شوير= إن بدى بالنور! ولاّ بقى تحت الرماد

يالله إني طالبَـك ياعليم وياخبير=انته اللي تعطي الخير وتحل القياد
إجعل افكاري وقلبي على هَديك تسير=وإصقل النفس الذليله وبلّغها المُـراد

وصِدْق لاصبّحت بالخير للحلم الكبير!= يستوي عندي قديم الليالي والجداد
وباقي احلامي عصافير0حتى لو تطير= تنكسر جنحانها عند هقوات البعاد
[/poet]

وسلامة الجميع

ســـابـك ذهـــب

------------------------------------------

صباحط ورد و جوري ومسائك ورد روز


عقد فريد مرصّع بالدرر النادره لا يمكن تجزئته
اتا به ( سابك ذهب) بعد ان ابدع في سبكه


سابك ذهب
صح لسانك مدد بلا عدد
قمة الابداع يا مبدع
وما اقول الا
يالله إني طالبَـك ياعليم وياخبير=انته اللي تعطي الخير وتحل القياد
إجعل افكاري وقلبي على هَديك تسير=وإصقل النفس الذليله وبلّغها المُـراد


اللهم آآآآآآآآمين



تقبل تحياتي وتقديري