في حبيب الله، صلى الله عليه و سلم....

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عليْت و عن حديث الإفك، تكرم يا رسول الله= سوى جابوه عدوان الوطن و لا المواليني
.=.
عليت عن النبا اللي من بداه ابليس زين له= و دايم سكة الشيطان تستهوي الخبيثيني
.=.
نوى يوذيك، و انته في جنان الخلد لك طله= و هو في الموصدة.... مصفود... باصفاد الشياطيني
.=.
بعد ما افرح من الاقصين و من اهل الوطن شله=عساها شلةٍ تفداك ياراس الكريميني
.=.
نقي العرض، نور الارض، فخر الدين و المله= كريم أوصاف ، ريف اضعاف ، حامي هيبة الديني
.=.
شعاع النور، ضد الجور، و المظلوم نصرٍ له = مقر الجود، عـ ـرْب جـ ـدود، سـ ـترٍ للمساكيني
.=.
صدوق لسان، جزل ايمان، ما تِـ ـلقى بك الخـ ـله = صبرت سنين.. لين الدين.. فاق أسمى القوانيني
.=.
عسى يفداك.. من يشناك.. لو ان الفدا احسن له= وعسى من لا يشوف بك الهدى يعطى عمى العيني
.=.
فداك العمر، ياخير البشر، كل العمر كله = فداك الروح، يا خير الأواخر و القديميني
.=.
تمتع بالوسيله و الفضيله، و ادمح الزله= ترانا من عجزنا، ما نغير فالموازيني
.=.
و الا يا وجد حالي، و النهار الشمس اله حله= على يوم نبرد به اكبود و نقضي الديني
.=.
نقص لسان راع العنه الملعون و نغله = لو انه حال دونه من سلاطينه سلاطيني
.=.
نعيد الهيبة اللي نبْـ ـتها الهمال ماعله = و ألا يالله تغيث ارضٍ شوتها أوقات و سنيني
.=.
شكينا ضعفنا لك و انت تجلا الهم و تحله=تقـ ـوِيـ ـنا على نصرة كتابك و النبييني
.=.
لكن الجور ما خلا الشجر تِطلِـ ـع به الغله= و جار السوء يهدم كل حيطان البساتيني
.=.
ليا جا موسم الزرع ابتدى و اشرف على التله= و في وقت الحصاد يروح به فوق البعاريني
.=.
و حنا مالنا الا الصبر، لله ، و الامل بالله= عسى الله ينصر اللي شايفٍ في حاله البَـ ـيْـ ـني
.=.
و صلى الله و بارك... يا محمد يابن عبدالله = عليك ، و طبت في تال الزمان و فاول الحيني
.=.
أقول من ضميرٍ مالكه حبك و محتله= عسى حب ٍ يقَصر عنك...مايلـ ـقى محبيني[/poem]


اللهم صلِ وسلم على سيدنا وقدوتنا محمد صلى الله عليه وسلم


قصيده في قمة الجزاله
وفي افضل البشر
ومن شاعر غني عن التعريف
مبدع وغيور على دينه ونبيه
ولانستغربها منه ومن امثاله


ويستحق المتابعه ومني بطريقه خاصه

تقبل التحيه والتقدير من اخوك/حسين الدوسري