مقتطفات من شعراء مطير .. بـ ِ أقلامكم !!

السلام عليكم ورحمة الله وبركاته

مشكور يا اخوي شامخ موضوع مهم جدا وهو جدير بالاهتمام فعلا .. فيه شعراء من جميع القبايل لم يحالفهم الحظ الاعلامي ولم ترى قصايدهم النور .. وانا حبيت اورد قصيدتين لشاعر كبير واسطوري من شعراء قبيلتي .. حمران النواظر الرجل معاصر قابلته في حفل مزاين مطير للابل الوضح قبل سنتين شاعر يعجز اللسان عن وصفه .. بصراحة انا كنت ابنزل له موضوع مستقل من زمان لكن والله انشغالي عن النت فترات طويلة لم تساعدني في طرح الموضوع لكن صاحب الموضوع ما قصر وحمسنا وحبينا نشارك معاه


القصيدة الاولى :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انا بدوي ساسٍ ومنشى وتدليل=في الطبايع للبداوه دلايل
وبوي شايب من خيار الرياجيل=مرحوم يالي مات واف الخصايل
وقبيلتي تطيعهم زمّر الخيل=يوم المعاطا من ظهور الاصايل
قدّام يجلا ظلمها وافي الكيل=ربعي من اللي يكسبون الجمايل
إلهم يشومن لابسات الخلاخيل=عشق لقوم يبردون الغلايل
واليوم في دوامةٍِ تبهت الحيل=وقت عنيد وشفت منه الهوايل
واضهر حفيلي زاعجين التماثيل=بعض المثايل يظهرن الحفايل
واسمي مثل فالبادية مومي الليل=في وسط صحرا حاجبتها المخايل
معناه من واقع حياة الغرابيل=والله ماهو رمز لجل الرسايل [/POEM]

مومي الليل = ندا له في الكنود



القصيدة الثانية

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أمس الضحى في عالي الرجم عديت=بالنايـف اللـي جيـت متعنيـلـه
شالتني العزه ولـد ذايـع الصيـت=عـن الطمـان لهامـة مستقـلـه
وآيقت في روس الطـوال وتعليـت=بمشوهـقـاتٍ يشبـهـن الاخـلـه
يومي على راس الطويله تساويـت=في عالـيٍ غـر السحايـب تضلـه
للكـوع لفيـت العمامـه وتكـيـت=عـن الحصـاه شماغـي وقايتنلـه
وقدحت في راس الزقـاره بكبريـت=وحذفت عـوده مـع صفـاةٍ مزلـه
كيفت من كيف الشيـوخ العناتيـت=مخطي خطاهم فـي حرامـه وحلـه
الكل يخطـي والله أخطووأناأخطيـت=محـدٍ يقـول المخطيـه قدوتـلـه
صاحي لحالي في خطايـه واقريـت=ياليت مـن يخطـي يقـر بخطلـه
لولا خطايا الناس للرجم مـا جيـت=يارجـم قـول لميـت القلـب قلـه
قلـه وكملـت الكـلام بتناهـيـت=زفرة حدم هزت حصا الرجـم كلـه
يوم احتشى صدري من الضيق ناديت=شاعـر ونـادى للمثايـل وجـلـه
جني وفـي جـزل المثايـل تنقيـت=ارزملهـن قلـب العنـا ورزمـلـه
امـرد نماريـد الشعـر والعفاريـت=اطوعـه واسـم علـيـه الأهـلـه
واودبة يمشي على كيف مـا شيـت=ورفع مقـام القـاف عـن مايذلـه
اختار معنـى كلمتـي وازن البيـت=ثـم اندبـه والعلـم للـي رسـلـه
لاشك انـا فـي كلمتـي ماتعديـت=حـدي وقافـي جـرد وانــا هلله
لا قالـوا العريـف عـزالله أقديـت=هـذا شـداد العـود وانـا محـلـه
عـود بذكـره يالنشامـا تنشميـت=وبني جزيل القـاف كلـه وفـاً لـه
شربت من هـداج ابـوي وترويـت=والــدرب فالحـنـان متـصـملله
وسقت القدم مع سوقة الفجر واقفيت=على نبراح الشوف والـدرب ادلـه
فجر المـدارك ساطـع كنـه الليـت=وعين العقل تقـداه مذهـب وملـه
من ماجرالي في حياتـي وعانيـت=وحبـل النشـب لابـد ربـك يحلـه
يـا زينهـا لامـن بالعـز هفـيـت=فنجـال عـز وتشربـه مستـولـه
صانيت عوب الغيض لانني ازريـت=وتقصعـن للقلـب عـوبٍ تتـلـه
تلـة فـرازٍ تلهـا بالرشـا هـيـت=وتصافـق الجيـلان مـن تلتـلـه
يمعكبهـا روس الحيـود النواحيـت=وتبزلـت والمـاي قامـت تشـلـه
واصبحت حالي حالها يـوم غنيـت=قـال المغنـي شـي ممـا حصلـه
تفجـرت جوفـي قنابـل دنامـيـت=فجرت خفايـا مـن فقـد عزوتلـه
تلعبي الدنيـا وتسنـد لبـا الفيـت=وادور ابــا الفـيـت مترصـدلـه
اثـره مصـدر للخبـاث الطواغيـت=اللـي لهـم شـذب المقفـي جبلـه
سـده جويـد ومـدرقٍ للخراتيـت=محبـالـة الأنــذال والله حبـلـه
واليوم ياربـي لـك الحمـد عفيـت=نفسـي وهـراج القـفـا فاطنـلـه
ومن فكه الله من جناب الشواميـت=من حيث ماهـب الهـوى جايزلـه
يالله يالـي فـوق عرشـك تعليـت=يامن سجدلـه كـل شـي خشيتلـه
انك تعين الحـي وتسامـح الميـت=وتضلنا يوم الحشـر تحـت ضلـه
عبدك وثبتني علـى الحـق تثبيـت=بالديـن والدنيـا تثـبـت خطـلـه[/POEM]