العمر

[POEM="font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] دام النوايا سود وأهدافها جرد = نوحي على غصن الندم ياحمامه

يا اللي زرعت الشوك ماتقطف الورد = لوتسقي أشجاره ليوم القيامه

العمر لويشفع لوجهة نظر فرد = قبلك شفع لأبليس عود الندامه

واللي خلق يوسف خلق قبله القرد = يا الله عليك العافيه والسلامه

لاتحسب إن المرجله طاولة نرد = حظك نصيبك طيب وإلا رخامه

لو إنها تشحن على الباخره طرد = كل ٍ شرى له من طرفها عمامه

عشقة حليف الجود ومصخّر الشّرد = حرٍ يموت ولاتموت الكرامه

ولا أقول أنا اللي حارد ٍ خامها حرد = أنا فهيم وغيري أكثر فهامه

من لايشب النار مايطرد البرد = يدفن وبرده جامد ٍ في عظامه

ونهاية الموضوع لو طوّل السّرد = حقي على وجه الزمان إبتسامه[/POEM]

فارس العصيمي

أسد المرقاب ..
لله درك .. لله درك .. لله درك

شاعرية تدل على القوة والجزالة .. في اللفظ والمعنى ..

تقبل المودة والمحبة .. والإعجااب الكبير .. يابو مقبل .

تقديري ... لك