الـهـــــديــفـه .!

المشاركة الأصلية كتبت بواسطة فهيد بن عصيدان

سلامُ عليكم .,

نحاول نبتعد عن جو الغزل قدر الامكان


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مـادام للخـوّه حْـقـوق ومطالـيـب=يبصم عليهـا أهـل القلـوب النّظيفـه
للأخويـا سلْـم وتـبـادل مواجـيـب=إمقسّـمـه مابينـهـم .، بالنّصيـفـه
والرّجل لاصاحب .؟ ينقّـي الاصاحيـب=وإيطقّ من عرْف الخبـلْ والهديفـه .!
وإن جازله رجّال ., من عقب تجريب .؟=في (قائمـة عـرف النشامـا) يضيفـه
والطيّب اللي وين ماِتدرجه .، طيـب .؟=هـذاك منـوة كـلّ طـيّـب وكيـفـه
وأنا وريث أهل السّيـوف المخاضيـب=وأهـل البيـوت المزبنـات المريـفـه
قـطّاعة الفرجْـه علـى الفطّـر الشّيـب=والاّ علـى ظْهـور المهـار العسيفـه
قضبْـت منهـم للمراجـل مقاضـيـب=ومنهـم تعلّمـت العـلـوم الطريـفـه
أشفق على خـوّة عريـب المناسيـب=أشفق من الطائي على شـوف ضيفـه
أوفي له أوفى مـن وفـا الزيـر لكليـب=وأوالفـه ميـلاف ولـفْ لوليـفـه .!
وإلى نصاني يشتكي قاصـر الجيـب .؟=أمـدّلـه لاكــان حـالـي كسيـفـه
أعطيه مافالجيب .، والـرّزق فالغيـب=مـن عنـد خّـلاق الطّـوال المنيفـه
مانيب أفـرّح فأبـن عمّـي الأجانيـب=أحمي قفـاه إمـن النّفـوس الضعيفـه
ولانيب أطلّـع فـي رفيقـي عذاريـب=لأهلْ الحكي ., وأهل العقـول الخفيفـه
وإن جات طعنه من رفيقي .؟ فلانيـب:=أسلّ سيفي كان هو سـلّ .، سيفـه .!
أرفع مقامـي مـن سوايـاه وآطيـب=وأمدّلـه كــفّ اليمـيـن الشريـفـه
وإن كان هو يغتابني كـلّ ماغيـب .؟=بواجهه بالحـقّ ., فـي وجـه زيفـه
أطقّهـا بالوجـهْ وإيخيـب وآصـيـب=وأخلّي أعـذاره .؟ بعينـه سخيفـة .!
وإلـى نـدبْ ؟ مانيـب أردّ المناديـب=يامرحباً به ., وإن بغا الصدّ .؟ كيفـه
لكـنّ لاوصلـتْ كرامـة الأشانيـب .؟=عنـد الكرامـه ., بتكـرّم وأعيـفـه
أصدّ .، واقبالي عقـب صدّتـي عيـب=ماأعتـدتْ أردّ إقفايتـي بالنكيـفـه .![/poem]

فهيـد بن محمّد

ياسلام عليك يالجزل

حاولت اقتبس من القصيده بيت بيتين

لقيتها معيتن على بعضها وجيتك ابها كلها

بيض الله وجهك وصح لسانك

تقبل مروري وكل الود