تسمّعوا ياناس في عفاس وأوحوا وش يقول ؟!

طلعت في المرقاب أبا أريّح من همـومٍ تجـول
في الصدر من مـده لكـن الهـم زاد ولايـزال
لو صارت لغيري وقاله ، قلت ماهوب معقـول
لن الحكيم إن ضاق باله ، مايـربّ ألاّ الطـوال
وأيقنت بأن ماكل عالي يصلـح لكـل معلـول
بعد قريت آخر قصيده تاصـف آخـرة الليـال
تسمّعوا يالربع في عفاس وأوحـوا وش يقـول
ترى كلامه واقعي ماهوب من نسـج الخَيَـال
ابن الحموله ينتخـي قـومٍ يشيلـون الحمـول
ويصيح للظفران : ياشجعـان ياكـرام السبـال
اصحوا وهِبوا لا يطمّن مجدكـم كـل مهبـول
تـرى الكرامـه ماتثمّـن بالجنيـه وبالريـال
اليوم ياما أكثر جنود ابـن أُبـي بـن سلـول
ولا يقلّـل جمعهـم ويبيدهـم غيـر السـلال
بس المهم إنّا مانبغـى إنّـا نقـول ولانطـول
أن كان ماقمنا يبا يبقـى المقـام بـلا مقـال
واهم مـن هـذاه كلـه فالطلـوع وفالدخـول
هوساس راس الأمر قبل نفسّر آيـات القتـال
ومن منطلق هذا البيان أطلق عليه أصل الأصول
ياجب علينا نعتصم به في الخفاف وفي الثقـال
تدرون وشهو ياوجيه العرف هالأمـر المهـول
نتوب توبه صادقه دائم وننصـر ذي الجـلال !


ابو عتيق

والله مدري وش اقول

بس الوكاد انك علم ومجاراتك يعلم الله انها شرف كبير لي

وصح لسانك واطال الله عمرك على طاعته

واصلح الله احوال الامه

وسلامي عليك ياعلم