يا صاحبي....؟

السلام عليكم ورحمة الله وبركاته


الغالين في المرقاب

متواضعه جديده اتمنى ان تنال بعض اعجابكم






()( مدخل )()



ياصاحبي؟ ولا بلاش اقول لك ياصاحبي..!
ــــــــــ أخاف لاتزعل من الكلمة الا من قلتها


ياهاجري؟ ياتاركي؟ ياجرحي اللي ( صاح بي)
ــــــــــ ليه تتلاعب بـ المشاعر من بعد ما نلتها؟


كنت العزيز وصرت أول شخص قدره طاح بي
ــــــــــ كنت اجوديٍ عدّد ذنوبه علي وشلتها...؟


نفس الخطا ياصاحبي.. ان لاح بك او لاح بي
ــــــــــ لكن مدري ليه قلبك في ذنوبي (التهى)


عقب الكلام اللي وصلك احس شي ارتاح بي
ــــــــــ والله يجازي قلبك بكلمة فـ حقي قلتها



()( 2 )()
[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


مات الحكي وتبعثر الصدق بالزيف= حيل الله اقوى يا الليال الطويله
كلن على راسي وقف في يده سيف! = كلن يبي يقتص بايّة وسيله؟
احدن كتب له (فلم) حبكة وتاليف=وحكاية(ن) من الف ليله وليله
وأضاف لحكايَته (فصلين) تحريف = شوّه بها كل الفصول الجميله
وأسقط من القصة فصول وتعاريف=واركى على غيره حمول(ن) ثقيله
أصل الحكي كله [ معازيب مع ضيف] = والضيف قفى والردا في شليله؟
قابل معازيبه بطيب(ن) وتشريف=وهم احتفوابه بالنقا والفضيله
واقفى يتمتم في ردي السواليف= يطعن معازيبه وحاز الرذيله
ماني باقول شلون..؟ او ليه..؟ او كيف؟ = باقول بس المستمع عزتيله !!
ولا انت ياللي كنت لي نشوة الكيف = جيتك عليله ورحت منك عليله
بدا النهار أحباب عشق.. ومواليف = وخيّم ظلام الليل وحدي قتيله
اقبلت تضحك لي.. وخليتني معيف؟= وصارت محبتنا شبه مستحيله؟
صحيح احبك مير كثر التكاليف..=..زادت , وانا مالي على القلب حيله
لا ما رجيتك لو غدا ليلي مخيف=المقفي ان قفّى.. حشا ما اجيله
ليل الشتا من صدمتي انقلب صيف= والحظ مال وزاد بالقلب ميله
لانته بكامل في جميع التواصيف=حتى تولع لي براس الفتيله؟؟
مع انه البارح لفا خاطري (طيف) = زولك تهيّا .. في دقايق قليله
ولنّي ماحب اكون في موقف ضعيف=صديت عن طيفك وصرت البخيله
لك مني ارحل وانت خل الملاقيف=يحكون لك عن كل ميله وعيله!
وان جيت يمّك/لك ذل وتحاسيف=نذر(ن) علي لاقص كل الجديله


وسلامتكم [/poem]