.. الله يعيـن ..

السلام عليكم


[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياناشدٍ عن حالتي وش تبيبها =لانته بناقصها ولانت ابطبيبها
لاتبحث المكنون مالك ومالها =مافيه نفسٍ تكسب الانصيبها
لاتنبش اسرارٍ على الناس خافيه =تفرح بغرات العرب وتحكيبها
رديف ميلات الزمان ومصايبه =الله يقطع شجرتك من شعيبها
الناس دون الضيف والجار والخوي =وأنت العلوم الناقصه تلتهيبها
صدرك حشاط وكل كلمه تقولها =واللا الرجال اسدودها مادريبها
صناديق من فولاذ مايندرابها =تحشم عن الهزله وتوفي طليبها
مقابيس حرب ونور في ليلة الدجى =قناديل ليل ومن غدا يهتديبها
عّّّريف هذا الوقت يرثىلحالهم =أغراب في دنياََ تعزز غريبها
الله يعين اليث والنمر والفهد =دام الضواري ماعرفت قدر ذيبها
الحظ والأيام والظرف والقدر =صحايفٍ نشرت وحظن بليبها
وأنا مع الأيام زادت تجاربي =بعض النجوم أشوفها ماقتديبها
لو أبرهزت فالسما ماتهمني =الجدي ثابت والنجوم ابمغيبها
وأن ضاقو اصحاب الرخا ماتضيقبي =افجوج الأرض ولا ترجا لطيبها
أعز نفسي واتحمل عذابها =لو زادت حمولي عليّ منتخيبها
أخترت لي عيطاً من البعد نازحه =أخير من قرب الصقاط ولهيبها
عيطاً دواليب الهوا في ركونها =هي راحتي والناس ربي رقيبها
وارجي رضا ربٍ على العرش مستوي =علام ماتبد الضماير وغيبها
والدايم الله والليالي مدوره =والصبر مفتاح الفرج ياعريبها [/poem]