اه ياذيك الليالي ويا ذيك السنين

السلام عليكم ورحمة الله وبركاته
مساء/صباح الخير
وكل عام وانتم بخير
ابيات متواضعة امل ان تحوز على رضاكم واستحسانكم
واذا فيه ملاحظة يسعدني ابداء الرأي
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا وجودي والله اني من الواقع حزين=والليالي في الحشا زاد ضرب سلالها
وجد من قفت سنينه على همه سجين=اظلموه ابحقه اردى العرب وانذالها
ما لقى فزعة رفيق" ولا عذر" سمين=والقضيه كل ما راح يوم اردى لها
يوم وجه الحظ من عام كل ماله يشين =والليالي زادت احمال فوق احمالها
كيف لا والهم والله في صدري مكين=والمواجع رحلة قد قطعت اميالها
اخفي العبرات بالصدر والخافي يبين=في عيون" عل دمع العليل اشوى لها
فاقد" لي ياهل المعرفه در" ثمين=عندي اغلى من كنوز البشر واموالها
شايف" ماصار والناس مثلي شايفين=حالها يالله بعفوك تروف بحالها
اه ياذيك الليالي ويا ذيك السنين=قصة" تنعاد بقفايها و اقبالها
عقب ذاك الشكل والثقل والعقل الرزين=عودت والله في حالة" يرثى لها
اقتلو فيها الا حاسيس والقلب الفطين=واقتلو فيها المشاعر وكل امالها
وش بقى يااهل الحسد وش بقى يالشامتين=يوم نفس المبتلى همها يغتالها
ما بقى منها سوى الصمت والسر الدفين=والجروح الي من سنين تشغل بالها
والامل ما زال باقي برب العالمين=ما خفته اسرار كل البشر واحوالها[/poem]