زفير وشهيق ..!!

السلام عليكم

للتواصل بعد الغياب..

استمحيكم عذراً بهذه الابيات

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انفاس الانفس تعاقب .. من زفير وشهيـق=ياشهقة ٍ من خبر او زفـرة ٍ مـن قهـر
ياليت قلبي من اقـواس ٍ تضمـه طليـق=لازادت هموم وكره طـار منـه وشهـر
ماعادت ظروف وقتي في جنابـي تليـق=تغيرت كـل حاجـه وش بقـى بالدهـر
ماعاد للصدق سـوق ولا زبـون ٍ وثيـق=وإلا الاكاذيـب قايـم سوقهـا وازدهـر
وماعاد كف الصداقه يحتضنهـا صديـق=مكانهـا فـي غيابـه طعنـة ٍ بالظـهـر
وماعاد عين العشيق اللي يسمـى عشيـق=تحارب النـوم وتخـاوي ليـال السهـر
وماعاد معنى الهديـه مثـل اول عميـق=مصالح الخبث تدفعهـا فـي باقـة زهـر
وماعاد تزهى ثياب العرف متـن الانيـق=ماتت مباديء بياضه واسـوده قـد ظهـر
وماعاد يكتم ذنوبه كـل عاصـي عويـق=يفخر بفعل الفتـن لا استغفـر ولا طهـر
وماعاد صوت الصهيل يغط صوت النهيق=رويبضة هالزمن يصدح بصوتـه جهـر
وماعاد يحسب حساب المشتهر .. وبحريق=بالعيب لو يشتهر .. اهم شـي إشتهـر!!
وماعاد صدر السماحه يستطيـع ويطيـق=يطيق في ليلـة ٍ ويضيـق باقـي الشهـر
وماعاد يبهر جديد الوقـت طبـع العتيـق=لو كان غيري اليا شاف الجديد إنبهـر !!
ماعاد يغـري عيونـي بالحيـاه البريـق=اغلى معادن طموحـي بالعيـون إنصهـر
قنعت .. من باقي الرحله وانـا بالطريـق=وقدمت عمـري لأخرتـي دفـوع ومهـر[/poem]